கிறிஸ்துமஸ் கொண்டாட சென்ற தம்பதிக்கு நேர்ந்த சோகம் - சென்னை அருகே பயங்கரம்

கிறிஸ்துமஸ் கொண்டாட காரில் கணவரோடு சென்றபோது விபத்து - மனைவி பலி

காஞ்சிபுரம் அருகே கிறிஸ்துமஸ் கொண்டாட காரில் கணவன்-மனைவி சென்றபோது ஏற்பட்ட விபத்தில், மனைவி பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.

ராணிப்பேட்டை மாவட்டம் அரக்கோணத்தைச் சேர்ந்த ஐ.டி. ஊழியர் பிரவீன்... இவர் தனது மனைவி பிங்கியுடன் கிறிஸ்துமஸ் பண்டிகையை கொண்டாட காரில் சென்னை-பெங்களூரு தேசிய நெடுஞ்சாலையில் சென்றுள்ளார். காஞ்சிபுரம் அருகே இவரது கார் டேங்கர் லாரி மீது எதிர்பாராத விதமாக மோதியது. அப்போது, அரசு பேருந்தும் டேங்கர் லாரி மீது மோதியதில் கார் அப்பளம்போல் நொறுங்கியது. காருக்குள் சிக்கிய கணவன்-மனைவியை அப்பகுதி மக்கள் மீட்டனர். எனினும் மருத்துவமனைக்கு செல்லும் வழியிலேயே மனைவி பிங்கி பரிதாபமாக உயிரிழந்தார். காயம் அடைந்த கணவர் பிரவீனுக்கு தீவிர சிகிச்சை அளிக்கப்பட்டு வருகிறது. விபத்து குறித்து பொன்னேரிக்கரை போலீசார் வழக்குப் பதிவு செய்து விசாரணை மேற்கொண்டு வருகின்றனர்.