அனுமனா?.. நீல் ஆம்ஸ்ட்ராங்கா? விண்வெளிக்கு முதலில் போனது யார்? - குழப்பிய பாஜக எம்பி
அனுமன் தான் முதலில் விண்வெளிக்கு போனதாக பள்ளி குழந்தைகளிடம் பாஜக எம்.பி அனுராக் தாக்கூர் பேசி இருப்பது விவாதத்தை கிளப்பியுள்ளது. பாஜக எம்பி அனுராக் தாக்கூர் இமாச்சலப் பிரதேசத்தின் உனாவில் உள்ள ஒரு பள்ளிக்கு நிகழ்ச்சிக்காக சென்றிருந்தார். அப்போது, விண்வெளிக்கு முதலில் பயணம் செய்தவர் யார் என்று குழந்தைகளிடம் கேட்டார். மாணவர்களோ நீல் ஆம்ஸ்ட்ராங் என்று கூற, குறுக்கிட்ட பாஜக எம்.பி அனுமன் தான் முதல் விண்வெளி வீரர் என்று கூறினார். இந்த வீடியோ தற்போது இணையத்தில் வைரலாகி வருகிறது.