விவசாயிகள் வருமானத்தை இரட்டிப்பாக்க தமிழக அரசு திட்டம்
பதிவு: செப்டம்பர் 03, 2018, 06:07 PM
தமிழகத்தில் விவசாயம், மீன் வளர்ப்பு, கறவை மாடு, ஆடு, கோழி, வாத்து, முயல், காடை, வான்கோழி, தேனீ வளர்ப்பு,  வீட்டுத் தோட்டம், பண்ணைக் குட்டைகள் அமைப்பு, சாண எரிவாயு, மண்புழு உரம் போன்ற பணிகளை மேம்படுத்துவதற்காக இந்த திட்டம் உருவாக்கப்பட்டுள்ளது.

இதன்படி, நெல்லை, மதுரை, தஞ்சை, விழுப்புரம், ஈரோடு ஆகிய 5 மாவட்டங்களில் முதல்கட்டமாக நடப்பாட்டில் அறிமுகமாகிறது. இந்த ஐந்து மாவட்டங்களில் 2,500 ஒருங்கிணைந்த விவசாய குழுக்கள் உருவாக்கப்பட்டு குழுவுக்கு இரண்டு விவசாயிகள் தேர்வு செய்யப்படுவார்கள். அவர்களுக்கு ஒரு லட்சம் ரூபாய் வரை மானியம் வழங்கப்படும். வேளாண் துறை, கால்நடை துறை, மீன்வள துறை ஆகியவை மூலம் நடப்பாண்டில் இந்த திட்டம் செயல்படுத்தப்படுகிறது.