ஹால் ஆஃப் ஃபேம் பட்டியலில் சச்சின் டெண்டுல்கர்

இந்திய முன்னாள் கிரிக்கெட் வீரர் சச்சின் டெண்டுல்கரை, ஹால் ஆஃப் ஃபேம்(HALL OF FAME) பட்டியலில் இணைத்து,  ஐ.சி.சி. கவுரவித்துள்ளது. இவருடன் தென்னாப்பிரிக்க முன்னாள் வேகப்பந்து வீச்சாளர் ஆலன் டொனால்டு, ஆஸ்திரேலிய வீராங்கனை கேத்ரின் பிட்ஸ்பேட்ரிக் ஆகியோரும் ஹால் ஆஃப் ஃபேம் பட்டியலில் இணைக்கப்பட்டுள்ளனர். இதுகுறித்து தமது டுவிட்டர் பக்கத்தில் பதிவிட்டுள்ள சச்சின் டெண்டுல்கர், ஹால் ஆஃப் ஃபேம் பட்டியலில் இடம்பெற்றது தமக்கு மகிழ்ச்சி அளிப்பதாகவும், இதற்காக உறவினர்கள், நண்பர்கள் மற்றும் உலகம் முழுவதுமுள்ள ரசிகர்களுக்கு நன்றி தெரிவிப்பதாகவும் கூறியுள்ளார். மேலும், பட்டியலில் தம்முடன் இணைந்த ஆலன் டொனால்டு, கேத்ரின் பிட்ஸ்பேட்ரிக் ஆகியோருக்கும் வாழ்த்துக்களை தெரிவித்துள்ளார்.