ராகுல் காந்தியை மீண்டும் காங்கிரஸ் தலைவராக்க முடிவு?
ராகுல் காந்தியை மீண்டும் காங்கிரஸ் தலைவராக்க வேண்டும் என்று சோனியா காந்தியிடம் அக்கட்சி மாநிலங்களவை எம்.பி.க்கள் கோரிக்கை விடுத்து உள்ளனர்.
காங்கிரஸ் இடைக்கால தலைவர் சோனியா காந்தி கட்சியின் மாநிலங்களவை உறுப்பினர்களுடன் காணொலி வாயிலாக ஆலோசனை நடத்தினார். அப்போது ராஜஸ்தான் அரசியல் நெருக்கடி , நாட்டின் பொருளாதார நிலைமை குறித்து ஆலோசிக்கப்பட்டது. மேலும் ராகுல் காந்தியை மீண்டும் தலைவராக்க வேண்டும் என வலியுறுத்தப்பட்டது. இதற்காக விரைவில் காங்கிரஸ் செயற்குழு கூட்டம் கூடும் என எதிர்பார்க்கப்படுகிறது.