ஜல்லிக்கட்டு காளை சிலை திறப்பு - அச்சு, அசலான வடிவமைப்பு என முதலமைச்சர் புகழாரம்

காவிரி குண்டாறு திட்டத்தை தன் கையால், அடிக்கல் நாட்டி துவங்கி வைப்பேன் என முதலமைச்சர் எடப்பாடி பழனிசாமி தெரிவித்துள்ளார். புதுக்கோட்டை அடுத்த விராலிமலைக்கு சென்ற அவர் அங்கு, ஜல்லிக்கட்டு காளை சிலையை திறந்து வைத்தார். காளை மற்றும் வீரர் இணைந்த ஏறு தழுவுதல் சிலை அச்சு அசலாக வடிவமைக்கப்பட்டுள்ளதாக அங்கிருந்த அமைச்சர் விஜயபாஸ்கருக்கும், சிற்பிக்கும் வாழ்த்தும், பாராட்டும் தெரிவித்தார். புதுக்கோட்டை மாவட்டத்தில் உள்ள வீரர்கள், ஜல்லிக்கட்டில் சிறந்து விளங்குவதாகவும், நல்ல உடல்திறனோடு இருப்பதாகவும் ஜல்லிக்கட்டு வீரர்களுக்கும் வாழ்த்து தெரிவித்தார்.