குரூப் 4 தேர்வில் முறைகேட்டில் ஈடுபட்டதாக புகார் : இடைத் தரகரை நெல்லையில் கைது செய்த சிபிசிஐடி போலீசார்

குரூப்-4 தேர்வில் முறைகேட்டில் ஈடுபட்டதாக நெல்லை மாவட்டம் ராதாபுரம் அருகே இடைத்தரகர் ஐயப்பன் என்பவரை கைது செய்த சிபிசிஐடி போலீசார் அவரிடம் தீவிர விசாரணை நடத்தி வருகின்றனர் . இவருடன் தொடர்புடைய முத்துராமலிங்கம் என்பவரையும் போலீசார் தேடி வருகின்றனர். 

குரூப்-4 தேர்வு முறைகேட்டில் ஈடுபட்ட தேர்வர்களிடம் இருந்து தலா ஒன்பது லட்ச ரூபாய் வீதம், ஒன்பது கோடி ரூபாய் வரை வசூல் செய்திருப்பதாக தகவல்கள் வெளியாகியுள்ளன. பல ஆண்டுகளாக ராமநாதபுரத்தில் நடந்த போட்டித்தேர்வுகளில் முறைகேடு அரங்கேறியிருப்பதும், வருவாய்த்துறை அதிகாரிகள் கவனத்திற்கு வந்த போதும், நடவடிக்கை எடுக்கவில்லை என்பதும், விசாரணையில் தெரியவந்துள்ளது.