"பெண்கள் பாதுகாப்பில் தலைசிறந்த நகரம் சென்னை" - காவல் ஆணையர் ஏ.கே.விஸ்வநாதன் பெருமிதம்

இந்தியாவிலேயே பெண்கள் பாதுகாப்பில் தலைசிறந்த நகரமாக  சென்னை விளங்குவதாக சென்னை காவல் ஆணையர் ஏ.கே.விஸ்வநாதன் தெரிவித்துள்ளார். புத்தாண்டை முன்னிட்டு செய்தியாளர்களை சந்தித்த அவர், கடந்த ஆண்டை  விட  சாலை விபத்துகள் குறைந்து இருப்பதாகக் கூறினார். சாலை விபத்துகளில் கடந்த 2018-ம் ஆண்டில் ஆயிரத்து 297-ஆக இருந்த பலி எண்ணிக்கை, 2019-ல் ஆயிரத்து 252 ஆக குறைந்துள்ளது என அவர் தெரிவித்தார். கடந்த  ஆண்டில் வரதட்சணை கொடுமை தொடர்பாக எந்தஒரு வழக்கும் பதிவாகவில்லை  என அவர் குறிப்பிட்டார்.