துரைமுருகன் வீட்டில் வருமானவரி சோதனை

ஆவணம் இல்லாமல் சோதனை நடத்த அதிகாரிகள் வந்ததாகவும், கேள்விகளுக்கு மாறி, மாறி பதில் அளித்ததாகவும் திமுக சட்டத்துறை இணை செயலாளர் பரந்தாமன் தெரிவித்தார். சட்டரீதியாக சோதனையிட வந்தால் ஒத்துழைப்பு தர தயாராக இருப்பதாகவும் அவர் கூறினார். இதைத்தொடர்ந்து அதிகாலை 3 மணிக்கு துரைமுருகன் வீட்டிற்குள் சென்ற வருமானவரித்துறை அதிகாரிகள் சோதனையில் ஈடுபட்டுள்ளனர். காலை 5 மணியளவில் மேலும் 3 அதிகாரிகளும் அங்கு வந்து சோதனை நடத்தி வருகின்றனர். இந்த சோதனையையொட்டி போலீசார் குவிக்கப்பட்டுள்ளதால் அங்கு பரபரப்பான சூழ்நிலை காணப்படுகிறது.