பிறந்தநாள் கொண்டாட்டங்களை தவிர்த்திடுங்கள் : கட்சியினருக்கு திமுக தலைவர் ஸ்டாலின் வேண்டுகோள்

தம்முடைய பிறந்தநாள் கொண்டாட்டங்களை தவிர்த்து, நாடாளுமன்ற தேர்தல் பணிகளை ஆற்றிட வேண்டும் என கட்சியினருக்கு திமுக தலைவர் ஸ்டாலின் வேண்டுகோள் விடுத்துள்ளார். இது குறித்து அவர் வெளியிட்டுள்ள அறிக்கையில், ஆளாக்கி - நெறிப்படுத்தி பொதுவாழ்வுப் பணியில் நல்வழிப்படுத்திய தலைவர் கலைஞர் இல்லாத நிலையில் பிறந்த நாளை கொண்டாட தாம் எண்ணியதில்லை என அவர் குறிப்பிட்டுள்ளார். வருகிற நாடாளுமன்ற தேர்தலில் 40 தொகுதிகளில் வென்று, வெற்றிக்கனியை நமதாக்குவோம் என்றும் அவர் குறிப்பிட்டுள்ளார்.