வழக்கமான உற்சாகத்துடன் இன்று போகி கொண்டாட்டம் : சென்னையில் இரவு நேர ரோந்து பணியில் 30 குழுக்கள்

போகிபண்டிகை கொண்டாடப்பட்டு வரும் நிலையில் சுற்றுச்சூழலைப் பாதுகாக்கும் வகையில் பழைய பிளாஸ்டிக், செயற்கை இழைகளால் தயாரிக்கப்பட்ட துணிகள், டயர், டியூப் உள்ளிட்ட ரப்பர் பொருள்கள், காகிதப் பொருள்கள், ரசாயனம் கலந்த பொருள்கள் ஆகியவற்றை எரிப்பதை தடுக்கும் வகையில் தமிழ்நாடு மாசு கட்டுப்பாடு வாரிய அதிகாரிகள் சென்னை நகர் முழுவதும் 30 குழுக்காக பிரிந்து ரோந்து பணியில் ஈடுபட்டு வருகின்றனர். 

கடந்த ஆண்டு போகி பண்டிகையின் போது காற்றின் மாசு 386 கன மீட்டர் வரை அதிகரித்து காணப்பட்டது. இந்தாண்டு காற்று மாசுவை  குறைக்கும்  வகையில் நள்ளிரவு முதல் சென்னை மாநகராட்சியின் 15 மண்டலங்களிலும் கண்காணிப்புப் பணி தீவிரப்படுத்தபட்டு உள்ளது.