3 சிலைகளை திருடியவருக்கு நீதிமன்ற காவல் : போலீசார் குற்றவாளிகளை தேடுதல் பணியில் தீவிரம்

கோயில் சிலைகளை திருடியவரை போலீசார் நீதிமன்றத்தில் ஒப்படைத்தனர். திருவாரூர் மாவட்டம் கூத்தனூர் மாரியம்மன் கோயிலில் கடந்த 2017 ஆம் ஆண்டு திருடு போன 5 உலோகச் சிலைகளை போலீசார் தேடி வந்தனர். இதில் கடந்த 6 மாதத்திற்கு முன்பு கோயில் அருகே உள்ள குளத்தை தூர்வாரியபோது 2 சிலைகளை மீட்டனர். இந்நிலையில் மீதமுள்ள 3 சிலைகளை தேடி வந்த நிலையில், போலீசார் விசாரணையில் சிறுபுலியுர் கிராமத்தைச் சேர்ந்த அகிலன் என்பது தெரிய வந்தது. இதையடுத்து அவரை கைது செய்த போலீசார், கும்பகோணம் நீதிமன்ற காவலில் ஒப்படைத்தனர். மீதமுள்ள குற்றவாளிகளை போலீசார் தீவிரமாக தேடி வருகின்றனர்.