வாழும் கலை அமைப்பு சார்பில் புயல் நிவாரணம்

கஜா புயலால் பாதிக்கப்பட்ட வேதாரண்யம் பகுதி மக்களுக்கு, ஸ்ரீஸ்ரீ ரவிசங்கரின் வாழும் கலை அமைப்பு சார்பில்  நிவாரண பொருட்கள் வழங்கப்பட்டன. கீழ்காடு, வடக்காடு, காதரிபுலம், மஞ்சகன்னிமருதூர், பிராந்தியக்கரை மற்றும் வடமழை கிராமங்களில் உள்ள 2 ஆயிரத்து தொள்ளாயிரத்து 75 குடும்பங்களுக்கு நிவாரண பொருட்கள் வழங்கப்பட்டன. அதேபோல், பாதிக்கப்பட்டுள்ள மக்களுக்கு, மருத்துவ குழுவினர் ஆலோசனைகளையும் வழங்கினர். இதுவரை 66 கிராமங்களில் உள்ள 8 ஆயிரத்து 375 குடும்பங்களுக்கு, 32 டன் எடையிலான நிவாரண பொருட்களை வழங்கியுள்ளதாக வாழும் கலை அமைப்பு தெரிவித்துள்ளது.