வரும் 15 ஆம் தேதி அப்துல் கலாம் பிறந்த நாள்

அப்துல் கலாம் பிறந்த நாளை இளைஞர் எழுச்சி நாளாக கொண்டாட வேண்டும் என பள்ளி கல்வித் துறை இயக்குனர் ராமேஸ்வர முருகன் அறிவுறுத்தி உள்ளார். வரும் 15ஆம் தேதி அப்துல் கலாம் பிறந்த நாள் கொண்டாடப்பட உள்ள நிலையில், இது தொடர்பாக அவர் பள்ளிகளுக்கு சுற்றறிக்கை அனுப்பியுள்ளார். அப்துல் கலாம் தொடர்பாக பள்ளி மாணவர்களிடையே கட்டுரை போட்டிகள் மற்றும் அறிவியல் கண்காட்சி உள்ளிட்ட பல்வேறு நிகழ்ச்சிகளை நடத்த வேண்டும் என்று பள்ளி தலைமையாசிரியர்களுக்கு சுற்றறிக்கையில் அறிவுறுத்தப்பட்டுள்ளது.