ஆஸி.க்கு எதிரான மூன்றாவது டெஸ்ட் - வலுவான நிலையில் இந்திய அணி

ஆஸ்திரேலியாவுக்கு எதிரான 3வது டெஸ்ட் போட்டியில் இந்திய அணி வலுவான நிலையில் உள்ளது. மெல்போர்னில் நடைபெற்று வரும் இப்போட்டியில் ஆஸ்திரேலிய அணி விக்கெட் இழப்பின்றி 8 ரன்கள் என்ற ஸ்கோருடன் மூன்றாவது நாள் ஆட்டத்தை தொடர்ந்தது. இந்திய வீரர் பும்ராவின் அனல் பறக்கும் பந்துவீச்சை எதிர்கொள்ள முடியாமல் ஆஸ்திரேலிய அணி வீரர்கள் அடுத்தடுத்து ஆட்டமிழந்தனர். அதிகபட்சமாக கேப்டன் டிம் பெய்ன் 22 ரன்கள் எடுக்க, ஆஸ்திரேலிய அணி 151 ரன்களுக்கு ஆட்டமிழந்தது. பும்ரா 6 விக்கெட்டுகளை கைப்பற்றினார்.