புதுச்சேரி பாஜக தலைவராக சாமிநாதன் மீண்டும் தேர்வு

கடந்த 2015ஆம் ஆண்டு முதல் புதுச்சேரி மாநில பாஜக தலைவராக இருந்து வரும் சாமிநாதனின் பதவிக் காலம் நிறைவடைந்ததை அடுத்து, புதிய தலைவரை தேர்ந்தெடுக்கும் தேர்தல் நடந்தது. இதில் மீண்டும் சாமிநாதனே தலைவராக தேர்வு செய்யப்பட்டதாக, மேலிட பார்வையாளரும், மத்திய இணை அமைச்சருமான பிரகலாத் சிங் படேல் அறிவித்தார். தொடர்ந்து சாமிநாதனுக்கு தொண்டர்கள் பூங்கொத்து கொடுத்து வாழ்த்து தெரிவித்தனர். இந்த நிகழ்ச்சியில் பேசிய மத்திய அமைச்சர் பிரகலாத் சிங் படேல் புதுச்சேரியில் பாஜக ஆட்சியமைப்பதற்கு சாதகமான சூழல் உள்ளதாக தெரிவித்தார்.