பெண் மருத்துவர் பலாத்கார படுகொலை சம்பவம் - காவல்நிலையத்தை முற்றுகையிட்ட பொதுமக்கள்
பதிவு : டிசம்பர் 01, 2019, 07:44 AM
ஐதராபாத்தில் பெண் மருத்துவரை பாலியல் வன்கொடுமை செய்து எரித்துக் கொன்ற வழக்கில் கைது செய்யப்பட்டவர்கள் அடைக்கப்பட்டிருந்த காவல் நிலையத்தை பொதுமக்கள் சூறையாட முயன்றதால் பரபரப்பு ஏற்பட்டது.
தெலுங்கானா மாநிலம் ரங்கா ரெட்டி மாவட்டத்தில்  கால்நடை மருத்துவராக பணியாற்றி வந்தவர் 27 வயது பெண் பிரியங்கா ரெட்டி. கடந்த வியாழக்கிழமை அன்று இரவு பணி முடிந்து பிரியங்கா ரெட்டி வீட்டிற்கு திரும்பிக் கொண்டிருந்தபோது சாத்நகர் பகுதியில் சுங்க சாவடி அருகே இருசக்கர வாகனம் பழுதானது. அப்போது பிரியங்கா ரெட்டிக்கு உதவுவது போல நடித்த இளைஞர்கள் அவரை பாலியல் கூட்டுவன்கொடுமை செய்துள்ளனர். அவரை அந்த கொடூர இளைஞர்கள் கொலை செய்தனர். பெட்ரோல் விற்பனை நிலையங்களில் பெட்ரோல் வாங்கி வந்த அந்த இளைஞர்கள் பிரியங்கா ரெட்டி உடலை பாலம் ஒன்றின் கீழ் எரித்தனர்.  

தகவலறிந்து விசாரணையில் இறங்கிய சாத்நகர் போலீசார் கண்காணிப்பு கேமராக்களை ஆய்வு செய்து குற்றவாளிகளை அடையாளம் கண்டனர். 
லாரி ஓட்டுனர்கள் முகமத் ஆரிப் சென்னகேசவ் மற்றும் கிளீனர்கள் சிவா, நவீன் ஆகிய 4 பேரை போலீசார் கைது செய்தனர். பெண் மருத்துவர் பிரியங்கா ரெட்டி பாலியல் வன்கொடுமை செய்யப்பட்டு படுகொலையான சம்பவம் நாடு முழுவதும் பெரும் அதிர்ச்சியை ஏற்படுத்திய நிலையில்  குற்றவாளிகள் 4 பேரையும் போலீசார் சாத்நகர் காவல்நிலையத்திற்கு அழைத்து வந்தனர்.  இந்த தகவலை அறிந்து காவல்நிலையம் முன் திரண்ட பொதுமக்கள் குற்றவாளிகளுக்கு தூக்கு தண்டனை கொடுக்க வேண்டும் என வலியுறுத்தி போராட்டம் நடத்தினர். போலீஸ் வாகனம் மீது  கல்வீச்சில் தாக்குதலில் ஈடுபட்ட பொதுமக்களை போலீசார் தடியடி நடத்தி கலைத்தனர். 

கைது செய்யப்பட்ட 4 பேரையும் சிறைக்கு அழைத்து செல்லும் வழியிலும்  பொதுமக்கள் ஆர்ப்பாட்டத்தில் ஈடுபட்டனர். இதனால், செல்லப்பள்ளி சிறைக்கு குற்றவாளிகளை கொண்டு செல்ல இருந்த போலீசார், செஞ்சலகுடா சிறைக்கு அழைத்து சென்றனர்.


பிரியங்கா ரெட்டியை படுகொலை செய்த குற்றவாளிகளுக்கு கடும் தண்டனை வழங்க கோரி மேற்கு வங்க மாநிலம் சிலிகுரியில்,  பெண்கள் அமைப்பினர், மெழுகுவர்த்தி ஏந்தி ஊர்வலம் சென்றனர்.  பெண்கள் வாயில் கருப்புத்துணி கட்டிக்கொண்டு தங்கள் எதிர்ப்பை பதிவு செய்தனர்.

டெல்லியிலும் இளைஞர் காங்கிரசார், மெழுகுவர்த்தி ஏந்தி ஊர்வலமாக சென்று மருத்துவர் பிரியங்கா ரெட்டிக்கு அஞ்சலி செலுத்தினர். இந்த குற்றத்தில் ஈடுபட்டவர்கள் மீது கடுமையான தண்டனை வழங்க வேண்டும் என்று அவர்கள் வலியுறுத்தினர். 

தெலுங்கானா மாநிலம் மட்டுமல்லாது நாடு முழுவதும் அதிர்வலையை ஏற்படுத்திய  மருத்துவர்  பிரியங்கா ரெட்டி படுகொலையை அறிந்த தெலுங்கானா ஆளுநர் தமிழிசை செளந்தராஜன், அவரது பெற்றோருக்கு ஆறுதல் கூறினார்.  


பிற செய்திகள்

ஒலிம்பிக் கட்டுப்பாடுகள் - இந்தியா கண்டனம்

ஒலிம்பிக் போட்டிகளுக்கு விதிக்கப்பட்டுள்ள கடுமையான கட்டுப்பாடுகளை இந்திய ஒலிம்பிக் அமைப்பு நியாயமற்றது என விமர்சித்துள்ளது.

5 views

கேரளாவில் நடந்த விபத்தில் புதிய திடுக்கிடும் தகவல்கள்

கேரளாவில் நடந்த சாலை விபத்தில் உயிரிழந்தவர்கள் தங்கம் கடத்தல் கும்பலை சேர்ந்தவர்கள் என விசாரணையில் தெரிய வந்துள்ளது.

95 views

முதல்வர் ஸ்டாலின் தலைமையில் திமுக எம்.எல்.ஏ.க்கள் கூட்டம்

சென்னை அண்ணா அறிவாலயத்தில், முதலமைச்சர் ஸ்டாலின் தலைமையில், திமுக சட்டமன்ற உறுப்பினர்கள் கூட்டம் நடைபெற்றது

35 views

விஜய் நடிக்கும் புதிய படத்தின் பெயர் "BEAST"

Thalapathy65 இன் ஃபர்ஸ்ட் லுக் மற்றும் டைட்டில் இன்று மாலை 6 மணிக்கு வெளியானது.

73 views

'நீட் வேண்டாம்' என்ற கருத்துக்களையே இதுவரை அதிகமானவர்கள் தெரிவித்துள்ளனர் -ஆணைய தலைவர் ஏ.கே.ராஜன்

இதுவரை வந்த தரவுகளை வைத்து ஆலோசனை செய்துள்ளோம்.தரவுகளை தொடர்ந்து சேகரித்து வருகிறோம்.

13 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.