நடிகர் சங்க தேர்தல் 6 மாதம் ஒத்திவைப்பா? - நாசர் விளக்கம்

தென்னிந்திய நடிகர் சங்கத்தின் 65-வது பொதுக்குழு கூட்டம் சென்னையில் இன்று நடைபெற்றது. சென்னை கலைவாணர் அரங்கில்  நடைபெற்ற இந்த கூட்டத்துக்கு நடிகர் சங்க தலைவர் நாசர் தலைமை வகித்தார். இந்த கூட்டத்தில்  நடிகர் சங்கத்தின் வரவு செலவு கணக்குகளும் தாக்கல் செய்யப்பட்டன. மேலும், வரும் அக்டோபரில் நடைபெற வேண்டிய நடிகர் சங்க தேர்தலை 6 மாத காலத்திற்கு ஒத்திவைக்க வேண்டும் என உறுப்பினர்கள் கூறியதாக நாசர் தெரிவித்தார். 

நடிகர் சங்கத்தில் இருந்து நீக்கப்பட்ட எஸ்.வி.சேகர் நீதிமன்றத்தில் வழக்கு தொடர்ந்து ரத்து செல்லாது என்ற உத்தரவு பெற்று பொதுக்குழுவில் பங்கேற்றார். செய்தியாளர்களிடம் பேசிய அவர், சங்க தேர்தலை ஒத்தி வைப்பது ஏற்றுக் கொள்ளக்கூடியதல்ல என்றார்.