இதே போல பாஸ்டன் டயனமிக்ஸ் தயாரிக்கும் நான்குகால் ரோபோதான் ஸ்பாட் மினி. நாயைப் போலவே இயங்கும் இந்த ரோபோ, இதுநாள் வரை புரோகிராம் செய்து வைத்த பாதைகளில்தான் பயணம் செய்தது. தற்போது இந்த ரோபோ நாய், என் வழி தனி வழி என தன் ரூட்டை தானே தீர்மானிக்கிறது.
இது நிஜம்தானா இல்லை கிராஃபிக்ஸ் காட்சியா என அறிவியல் உலகமே ஆச்சரியப்பட்டுக் கிடக்கிறது. இந்த ரோபோக்கள் எப்போது மனிதனுக்குப் போட்டியாக களமிறங்கும் எனக் கேட்கிறார்கள் சிலர். ஆனால் பாஸ்டன் டயனமிக்ஸ் தனது மனித ரோபோவுக்கும் நாய் ரோபோவுக்கும் இன்னும் நிறைய கற்றுத் தர வேண்டியிருப்பதாகச் சொல்கிறது. ஒருவேளை, டாக்டர் வசீகரன் போல சுயமாய் சிந்திக்க சொல்லிக் கொடுப்பார்களோ!