கோவை மாவட்டம் ஒண்டிப்புதூரை சேர்ந்தவர் ராமசாமி. இவர் சிங்காநல்லூர் பகுதியில் உணவு விடுதி ஒன்றை நடத்தி வருகிறார். சம்பவத்தன்று 5 பேர் கொண்ட கும்பல் ஒன்று உணவகத்திற்கு, உணருந்த வந்திருந்தனர். அதில் ஒருவர் பாதையை மறைத்தபடி உட்கார்ந்திருந்தார். இதை பார்த்த ராமசாமி அவரை நகர்ந்து அமரும்படி கூறிய நிலையில், இருவருக்கும் இடையே வாக்குவாதம் ஏற்பட்டது. பின்னர் ஆத்திரமடைந்த அந்த கும்பல் ராமசாமியையும், அவரது அப்பாவையும் தாக்கிவிட்டு, அங்கிருக்கும் பொருள்களை சூறையாடி தப்பிச்சென்றனர். இந்த சம்பவம் தொடர்பாக ராமசாமி புகார் தெரிவித்திருந்த நிலையில், போலீசார் வழக்கு பதிவு செய்து குற்றவாளிகளை தேடி வருகின்றனர்.