ராஜஸ்தானில் இந்திய விமானப்படை போர் விமானம் இயந்திரக் கோளாறால் விபத்துக்குள்ளானது. பார்மரில், வழக்கமான இரவு நேர பயிற்சியில் MIG-29 ரக போர் விமானம் ஈடுபட்டிருந்த‌து. அப்போது, திடீரென விமானத்தில் ஏற்பட்ட தொழில்நுட்ப கோளாறு ஏற்பட்டு கீழே விழுந்துள்ளது. விமானத்தை ஓட்டிய பைலட் உடனே வெளியேறியதால், காயமின்றி பத்திரமாக உயிர் தப்பினார். அதே நேரத்தில், MIG-29 ரக போர் விமானம் கீழே விழுந்து தீ பிடித்து எரிந்த‌து. இந்த விபத்துக்கான காரணம் குறித்து விசாரணை நடத்த விமானப்படை உத்தரவிட்டுள்ளது.