புதுச்சேரி துணைநிலை ஆளுநர் பதவியை நேற்று தமிழிசை செளந்தரராஜன் ராஜினாமா செய்தார். இதனையடுத்து, தன்னுடைய பணிகளை முழுமையாக ஆளுநரின் செயலரிடம் ஒப்படைத்தார். முன்னதாக, ஆளுநர் மாளிகை வளாகத்தில் உள்ள பெருமாள் கோயிலில் பூஜை செய்து வழிபட்ட அவர், தொடர்ந்து காவல்துறையினரின் அணிவகுப்பு மரியாதையை ஏற்றுக்கொண்டார். அப்போது, தமிழிசை செளந்தரராஜனுக்கு தலைமை செயலர், டிஜிபி, அரசு செயலர்கள் மற்றும் பொதுமக்கள் வழியனுப்பி வைத்தனர். அவர்களை பார்த்து கையசைத்த படி நன்றி தெரிவித்து சென்றார்.