இரண்டு நாள் பயணமாக பிரதமர் மோடி இன்று மாலை தமிழகம் வருகிறார்......மதுரையில் நாளை பல்வேறு ரயில்வே திட்டங்களை தொடங்கிவைக்கும் பிரதமர், என்.டி.ஏ. கூட்டணியின் பிரச்சார பொதுக்கூட்டத்திலும் பங்கேற்று உரையாற்ற உள்ளார்...

சட்டமன்ற தேர்தல் தொகுதி பங்கீடு குறித்து காங்கிரஸ் பிரதிநிதிகளுடன், திமுக குழு இன்று பேச்சுவார்த்தை நடத்துகிறது.....அதிக தொகுதிகள், ஆட்சியில் பங்கு உள்ளிட்ட விவகாரம் கூட்டணியில் சலசலப்பை ஏற்படுத்திய நிலையில், இன்றைய பேச்சுவார்த்தையில் முக்கிய முடிவு எட்டப்படும் என்று எதிர்பார்க்கப்படுகிறது...

அதிமுக-வில் இருந்து நீக்கப்பட்டு, மீண்டும் அக்கட்சியில் இணைய முயன்று வந்த, முன்னாள் முதல்வர் ஓ.பன்னீர்செல்வம், திடீர் திருப்பமாக, தமது மகன் மற்றும் ஆதரவாளர்களுடன் திமுகவில் இணைந்தார்...சென்னை அண்ணா அறிவாலயத்தில் முதல்வர் ஸ்டாலின் முன்னிலையில் இணைப்பு படிவத்தில் கையெழுத்திட்டு தம்மை திமுக-வில் இணைத்துக்கொண்டார்...

மாம்பழம் சின்னத்தை முடக்க கோரி, தேர்தல் ஆணையத்திற்கு பாமக நிறுவனர் ராமதாஸ் கடிதம் எழுதியுள்ளார்...வாக்காளர்கள் மத்தியில் குழப்பம் ஏற்படுவதை தவிர்க்க, மாம்பழம் சின்னத்தை முடக்க வேண்டும் என, அவர் வலியுறுத்தி இருக்கிறார்...

சட்டமன்ற தேர்தலை ஒட்டி 234 தொகுதிகளிலும் நாளை தவெக செயல் வீரர்கள் கூட்டம் நடைபெறுகிறது...தேர்தல் பரப்புரைப் பணிகள் குறித்து கலந்தாலோசிக்கும் கூட்டத்தில், அனைத்து அணிகளின் நிர்வாகிகளும் பங்கேற்க கட்சித் தலைமை அறிவுறுத்தி உள்ளது...

தவெக தலைவர் விஜய்யிடம் இருந்து விவாகரத்து கோரி செங்கல்பட்டு மாவட்ட நீதிமன்றத்தில் அவரது மனைவி சங்கீதா மனு தாக்கல் செய்துள்ளார்...விஜய் - சங்கீதா இருவரும் 1999 ஆம் ஆண்டு திருமணம் செய்து கொண்ட நிலையில் விவாகரத்து மனு தாக்கல் செய்யப்பட்டுள்ளது தவெக தொண்டர்களிடம் அதிர்ச்சியை ஏற்படுத்தி உள்ளது....