மத்திய அரசுக்கு முதல்வர் ஸ்டாலின் அழுத்தம்
நாடாளுமன்ற உறுப்பினரின் தொகுதி மேம்பாட்டு நிதியை 10 கோடி ரூபாயாக உயர்த்த வேண்டும் என மத்திய அரசுக்கு முதலமைச்சர் ஸ்டாலின் வலியுறுத்தி உள்ளார். சென்னை தலைமைச் செயலகத்தில் நடைபெற்ற, வளர்ச்சி ஒருங்கிணைப்பு - கண்காணிப்பு குழு கூட்டத்தில் பேசிய அவர், வளர்ச்சித் திட்டங்களை நிறைவேற்றுவதில் தமிழ்நாடு அரசு அக்கறையோடு செயல்பட்டு வருவதாக கூறினார். மத்திய அரசு தனது நிதியை சரியான நேரத்தில் மாநில அரசுக்கு வழங்க வேண்டுமென வலியுறுத்தப் போவதாகவும் அவர் தெரிவித்தார்.