அதிமுக கூட்டணி 210 தொகுதிகளில் வெற்றிப்பெறும் - ஈபிஎஸ்
2026 சட்டமன்ற தேர்தலில் அதிமுக கூட்டணி 210 தொகுதிகளில் வெற்றிப்பெறும் என அதிமுக பொதுச்செயலாளர் எடப்பாடி பழனிசாமி தெரிவித்துள்ளார். "மக்களை காப்போம், தமிழகத்தை மீட்போம்" பிரசார பயணத்தில் கடலூர் மாவட்டம் பண்ருட்டியில் பேசிய எடப்பாடி பழனிசாமி, வரும் சட்டமன்ற தேர்தலில் அதிமுக கூட்டணி, பெரும்பான்மையான இடங்களில் வெற்றிப்பெற்று, தனிப்பெரும்பான்மையுடன் ஆட்சி அமைக்கும். அதற்கு பண்ருட்டி நகர மக்களே சாட்சி என குறிப்பிட்டார். மேலும், முதலமைச்சர் ஸ்டாலின் 200 தொகுதிகளில் வெற்றிப்பெறுவோம் என்று பேசுகிறார். நான் கூறுகிறேன், அதிமுக கூட்டணி 210 இடங்களில் வெற்றிப்பெறும் என்றார்..