ராஜராஜ சோழனின் 1037வது சதய விழா - தஞ்சை பெரியகோவிலில் பந்தகால் முகூர்த்தம்

ராஜராஜ சோழனின் ஆயிரத்து 37 வது சதய விழா வருவதை முன்னிட்டு, பெரிய கோயிலில் பந்தக்கால் முகூர்த்தம் நடைபெற்றது. தஞ்சாவூரில் அமைந்துள்ள பெரிய கோயிலை கட்டிய ராஜராஜ சோழன் பிறந்த ஐப்பசி சதய நட்சத்திரம் வரும் நவம்பர் 3-ஆம் தேதி வருவதையொட்டி, சதய விழா கொண்டாடப்படவுள்ளது. இதை முன்னிட்டு இன்று பெரிய கோயிலில் தமிழ் முறைப்படி திருமுறை பாடி பந்தக்கால் முகூர்த்தம் நடைபெற்றது. இதில் திரளான பக்தர்கள் கலந்து கொண்டனர்.