கால்நடை மருத்துவ அறிவியல் படிப்பு : மே 8 முதல் இணையதளம் வழியாக விண்ணப்பிக்கலாம்
கால்நடை மருத்துவ அறிவியல் படிப்புகளில் சேர விரும்பும் மாணவர்கள், மே 8 முதல் ஜூன் 10 வரை, இணையதளம் மூலம் விண்ணப்பிக்கலாம் என கால்நடை மருத்துவ அறிவியல் பல்கலைக்கழகம் அறிவித்துள்ளது.
கால்நடை மருத்துவ அறிவியல் படிப்புகளில் சேர விரும்பும் மாணவர்கள், மே 8 முதல் ஜூன் 10 வரை, இணையதளம் மூலம் விண்ணப்பிக்கலாம் என கால்நடை மருத்துவ அறிவியல் பல்கலைக்கழகம் அறிவித்துள்ளது. தமிழகத்தில் +2 தேர்வு முடிவுகள் வெளியானதை தொடர்ந்து, பல்வேறு உயர்கல்வி படிப்புகளுக்கான மாணவர் சேர்க்கை பணிகள் மும்முரமாக நடந்து வருகின்றன. அந்த வகையில் கால்நடை மருத்துவ அறிவியல் படிப்புகளில் சேர விரும்பும் மாணவர்கள் மே 8 முதல், ஜூன் 10 வரை இணையதளம் வழியாக விண்ணப்பிக்கலாம் என கால்நடை மருத்துவ அறிவியல் பல்கலைக்கழகம் அறிவித்துள்ளது.
பதிவு செய்யும் விண்ணப்ப நகலுடன், உரிய சான்றிதழ்களை சேர்த்து ஜூன் 10 மாலை 5 மணிக்குள் பல்கலைக் கழகத்திற்கு அனுப்பி வைக்க வேண்டும் எனவும் பல்கலைக் கழகம் தெரிவித்துள்ளது. தரவரிசைப் பட்டியல் ஜூன் 24-ல் வெளியிடப்பட்டு, ஜூலை 9-ஆம் தேதி முதல் மாணவர் சேர்க்கைக்கான கலந்தாய்வு நடைபெறும் எனவும் பல்கலைக்கழகம் வெளியிட்டுள்ள அறிவிப்பில் தெரிவிக்கப்பட்டு உள்ளது. பி.வி.எஸ்.சி. எனப்படும் கால்நடை மருத்துவ அறிவியல் படிப்பில் 360 இடங்களும், பி.டெக்., படிப்பில் 100 இடங்களும் கலந்தாய்வு மூலம் நிரப்பப்பட உள்ளன.