சிம்பு படத்தில் இணைந்த டீஜே - சிம்புவின் 'பத்து தல' படத்தில் நடிக்க ஒப்பந்தம்

மாநாடு படத்திற்கு பிறகு சிம்பு "பத்து தல" என்ற படத்தில் நடிக்க உள்ளார். இதில் கௌதம் கார்த்திக் மற்றும் பிரியா பவானி சங்கர் உள்ளிட்டோர் நடிக்கின்றனர். இந்நிலையில், இதில் நடிகர் டீஜேவும் இணைந்துள்ளார். ஆல்பம் பாடல்கள் மூலம் பிரபலமடைந்த டீஜே, அசுரன் படத்தின் தனுஷின் மகனாக நடித்து ரசிகர்களை கவர்ந்தது குறிப்பிடத்தக்கது.

நடிகர் விஜய் நடித்துள்ள மாஸ்டர் படத்தின் ப்ரோமோவை படக்குழு வெளியிட்டுள்ளது. இதற்கு முன்பாக வெளியான டீசரில் விஜய் வசனம் எதுவும் பேசாத நிலையில், தற்போது வெளியாகி உள்ள ப்ரோமோவில் பஞ்ச் வசனங்கள் பேசியிருப்பது ரசிகர்களிடையே உற்சாகத்தை ஏற்படுத்தி உள்ளது. இந்த ப்ரோமோ சமூக வலைதளங்களில் வேகமாக பரவி வருகிறது.

நடிகர் தனுஷ், இயக்குனர் கார்த்திக் நரேன் இயக்கத்தில் புதிய படம் ஒன்றில் நடிக்க உள்ளார். இதில் மாளவிகா மோகனன் கதாநாயகியாக ஒப்பந்தமாகி உள்ள நிலையில், தற்போது, நடிகை ஸ்மிருதி வெங்கட் படத்தில் இணைந்துள்ளதாக அறிவிப்பு வெளியாகி உள்ளது. இவர், தடம், மூக்குத்தி அம்மன் உள்ளிட்ட படங்களில் நடித்துள்ளார்.

பிரபு சாலமன் இயக்கத்தில் உருவாகி உள்ள காடன் திரைப்படம் மார்ச் மாதம் 26ஆம் தேதி வெளியாகும் என்று அறிவிக்கப்பட்டுள்ளது. தமிழ், தெலுங்கு, இந்தி ஆகிய மொழிகளில் உருவாகியுள்ள இந்த படத்தில் ராணா, விஷ்ணு விஷால் உள்ளிட்ட பலர் நடித்துள்ளனர். இதன் பெரும்பாலான படப்பிடிப்பு காடுகளிலேயே படமாக்கப்பட்டுள்ளது.

நடிகர் விஜய் சேதுபதி நடிப்பில் கடந்த 2012ஆம் ஆண்டு வெளியாகி வெற்றி பெற்ற திரைப்படம் பீட்சா. இதன் அடுத்த பாகம் பெரிதாக வெற்றி பெறாத நிலையில், இதன் மூன்றாம் பாகம் தற்போது உருவாகி வருகிறது. "பீட்சா-3 தி மம்மி" என்ற பெயரில் உருவாகும் இந்த படத்தில் அஷ்வின், ரவீணா உள்ளிட்டோர் நடிக்கின்றனர். இந்நிலையில் இந்த படத்தின் டீசரை படக்குழு வெளியிட்டுள்ளது.

நடிகை சமந்தா தான் உடற்பயிற்சி செய்யும் வீடியோவை தனது இன்ஸ்டாகிராம் பக்கத்தில் பகிர்ந்துள்ளார். இந்த வீடியோவிற்கு லைக்குகள் குவிந்து வருகின்றன. சமந்தா தற்போது விஜய் சேதுபதி. நயன்தாரா நடிக்கும் காத்து வாக்கல ரெண்டு காதல் படத்தில் நடித்து வருகிறார்.