தமிழகத்தில் புதிதாக 5,776 பேருக்கு கொரோனா

தமிழகத்தில் இன்று 78 ஆயிரத்து 526 பேருக்கு கொரோனா பரிசோதனை மேற்கொண்டதில் 5 ஆயிரத்து 776 பேருக்கு தொற்று இருப்பது உறுதியாகி உள்ளது. மொத்த பாதிப்பு எண்ணிக்கை 4 லட்சத்து 69 ஆயிரத்து 256 ஆக உயர்ந்து இருக்கிறது. இன்று 5 ஆயிரத்து 930 பேர் குணமடைந்து வீடு திரும்பி உள்ளனர். 89 உயிரிழப்புகள் நிகழ்ந்து இருக்கிறது. 51 ஆயிரத்து 215 பேர் மருத்துவமனைகளில் சிகிச்சை பெற்று வருகின்றனர். 

சென்னையில் இன்று 949 பேருக்கு கொரோனா தொற்று உறுதியானது. சென்னையை தவிர்த்து  பிற மாவட்டங்களில் 4 ஆயிரத்து 827 பேருக்கு தொற்று இருப்பது கண்டறியப்பட்டு உள்ளது. சென்னையில் இன்று 16 உயிரிழப்புகள் நிகழ்ந்துள்ளன. ஆயிரத்து 52 பேர் டிஸ்சார்ஜ் செய்யப்பட்டனர்.  மொத்தம் 11 ஆயிரத்து 145 பேர் சிகிச்சை பெற்று வருகின்றனர்.