திமுக எம்எல்ஏ கு.க.செல்வம் ஜே.பி.நட்டா முன்னிலையில் இன்று மாலை பாஜகவில் இணைய உள்ளதாக தகவல்

திமுகவின் தலைமை நிலைய செயலாளராக இருக்கும் கு.க.செல்வம், அதிமுகவில் இருந்து விலகி திமுகவில் இணைந்தவர். தற்போது, ஆயிரம் விளக்கு திமுக எம்.எல்.ஏ.வாக இருக்கும் கு.க.செல்வம், கட்சியின் மாவட்ட செயலாளர் பொறுப்பு கிடைக்கும் என்ற எதிர்பார்ப்பில் இருந்ததாக கூறப்படுகிறது. இந்த நிலையில், டெல்லி சென்றுள்ள அவர், பாஜக தேசிய தலைவர் நட்டா முன்னிலையில், இன்று அக்கட்சியில் இணைய உள்ளதாக தகவல் வெளியாகியுள்ளது. பாஜகவின் இணையும் நிகழ்வு இன்று மாலை நடைபெற உள்ளதாவும் கூறப்படுகிறது. திமுக துணை பொதுச்செயலாளர் பொறுப்பில் இருந்த வி.பி.துரைசாமி, அண்மையில் பாஜகவில் இணைந்தார் என்பது குறிப்பிடத்தக்கது.