தொடர்மழை - ஆர்ப்பரித்து கொட்டும் அருவிகள்
பதிவு : ஆகஸ்ட் 03, 2020, 09:59 AM
கொடைக்கானல் மலைப்பகுதிகளில் இரண்டு வாரத்திற்கும் மேலாக கன மழை பெய்து வருகிறது.
கொடைக்கானல் மலைப்பகுதிகளில்  இரண்டு வாரத்திற்கும் மேலாக கன மழை பெய்து வருகிறது. இதனால், கொடைக்கானல் நகரப் பகுதியில் அமைந்துள்ள வெள்ளி நீர் வீழ்ச்சி, பாம்பார் அருவி, வட்டக்கானல் அருவி, தேவதை நீர் வீழ்ச்சி, உள்ளிட்ட அனைத்து அருவிகளிலும் நீர் ஆர்ப்பரித்து கொட்டுகிறது. மேலும், புலிச்சோலை, செண்பகனூர், பெருமாள்மலை உள்ளிட்ட பகுதிகளில் ஆங்காங்கே  தற்காலிக நீர்வீழ்ச்சி தோன்றியுள்ளன.

குற்றால அருவிகளில் கொட்டும் தண்ணீர் - ரம்மியமான சூழல் 

தென்காசி மாவட்டம் குற்றாலத்தில் உள்ள அருவிகளில் தண்ணீர் கொட்டி வருகிறது. கடந்த ஜுன் மாதம் குற்றால சீசன் தொடங்கியது. இந்நிலையில், குற்றால மெயின் அருவி, ஐந்தருவி உட்பட அனைத்து அருவிகளிலும் தண்ணீர் கொட்டும் நிலையில், சாரல் மழையும் சேர்ந்து, ரம்மியமான சூழல் நிலவி வருகிறது. சுற்றுலா பயணிகள் வருவதற்கு தடை செய்யப்பட்டுள்ளதால், அருவி கரைகள் வெறிச்சோடி காணப்படுகிறது. 

கொசஸ்தலை ஆற்றில் நீர் வரத்து

கனமழை காரணமாக தமிழக - ஆந்திர எல்லையோர  பகுதியான  நகரி அம்மபள்ளி அணை முழுமையாக நிரம்பியது. இதனையடுத்து பாதுகாப்பு காரணங்களுக்காக  அம்மபள்ளி அணை திறக்கப்பட்டது. இதனால் கொசஸ்தலை ஆற்றில் நீர் வரத்து அதிகரித்துள்ளதால், பொதுமக்கள் யாரும் குளிக்கவோ,  துணி துவைக்கவோ ஆற்றில் இறங்க  வேண்டாம் என திருவள்ளூர் மாவட்ட ஆட்சியர் உத்தரவிட்டுள்ளார்.

புறா பிடிக்க கிணற்றுக்குள் இறங்கிய இளைஞர் - 70 அடி ஆழமுள்ள கிணற்றில் விழுந்த‌ பரிதாபம்

மதுரை திருமங்கலம் அருகே 70 அடி ஆழமுள்ள கிணற்றில் விழுந்த இளைஞர் ஒரு மணி நேர போராட்டத்துக்கு பின் மீட்கப்பட்டார். பெரிய மறவன்குளம் கிராமத்தைச் சேர்ந்த முத்துக்காளை,  கிணற்றில் உள்ள புறாவை பிடிப்பதற்காக கயிறு கட்டி கிணற்றுக்குள் இறங்கினார். அப்போது கயிறு அறுந்து விழுந்த‌தால், முத்துக்காளை கிணற்றில் விழுந்தார். இதில் இடுப்பு முறிந்த நிலையில், உயிருக்கு போராடிய அவரை, 1 மணி நேர போராட்டத்துக்கு பின் தீயணைப்பு துறையினர்  மீட்டனர்.

மலைத்தேனை ருசிக்க முகாமிட்டுள்ள கரடிகள்

ஊட்டி அருகே மலைத்தேனை சாப்பிட கரடிகள் முகாமிட்டுள்ளன. ஊட்டி - கல்லட்டி மலைப் பாதையில் பாறைகளில் மலை தேன், கொம்பு தேன் கூடுகட்டி தேனை சேகரித்து வைத்துள்ளது. கரடிகளுக்கு பிடித்த உணவு தேன் என்பதால்,  தேனை சாப்பிட பாறைகளில் முகாமிட்டுள்ளன. அடிக்கடி பாறைகளில் கரடிகள் உலா வருவதால் விவசாயிகள் அச்சமடைந்துள்ளனர்.

நட்சத்திர ஆமைகள் விற்பனை - 8 பேருக்கு வனத்துறை அபராதம்

திண்டுக்கல் பேருந்து நிலையம் அருகே அரிய வகை நட்சத்திர ஆமைகள் விற்கப்படுவதாக வனத்துறை அதிகாரிகளுக்கு தகவல் கிடைத்தது. சம்பவ இடத்திற்கு வந்த போலீசார், சரக்கு வாகனத்தில் மறைத்து வைக்கப்பட்டு இருந்த நட்சத்திர ஆமைகளை பறிமுதல் செய்தனர், இது தொடர்பாக அரியலூர் பகுதியை சேர்ந்த விஜய், சினனத்துரை, செந்தில் உள்ளிட்ட 8 பேரிடம் விசாரணை நடத்திய வனத்துறையினர், ஒவ்வொருவருக்கும் தலா 2 ஆயிரம் ரூபாய் அபராதம் விதித்தனர். 

கள்ளழகர் கோவில் ஆடி பிரமோற்சவ திருவிழா - தங்க குதிரை வாகனத்தில் கள்ளழகர்

மதுரை கள்ளழகர் கோவிலில் ஆடி பிரமோற்சவ எட்டாம் நாள் திருவிழாவை  முன்னிட்டு, கள்ளழகர் தங்க குதிரை வாகனத்தில் எழுந்தருளினார். பெருமானுக்கு பட்டாச்சாரியார்கள் சிறப்பு அலங்காரம் மற்றும் விசேஷ பூஜை செய்தனர். பக்தர்களுக்கு அனுமதி இல்லை என்பதால், கோவில் நிர்வாகிகள் மற்றும் பணியாளர்கள் மட்டும் கலந்து கொண்டு சாமி தரிசனம் செய்தனர். 

தொடர்புடைய செய்திகள்

இந்திய எல்லையில் முள்வேலிகள் அமைப்பு "இந்தியா வீரர்களை தொந்தரவு செய்ய வேண்டாம்" - சீனா ராணுவத்தினருக்கு அறிவுறுத்தல்

இந்திய - சீன எல்லையில் குருங் மலைகள், மாகர், முக்பாரி, ரெச்சின்லா, பாங்கொங்சோ ஏரிக்கு தெற்கே உள்ள பகுதிகளில் இந்தியா தனது எல்லைகளை சுற்றி முள்வேலி அமைத்துள்ளது.

5349 views

"எல்.ஐ.சி. யை விற்பது அவமானகரமான செயல்" - பிரதமர் மோடி மீது ராகுல்காந்தி பாய்ச்சல்

அரசு நிறுவனங்கள் விற்பனைக்கு என்ற பிரச்சாரத்தை பிரதமர் நரேந்திர மோடி முன்னெடுக்கிறார் என ராகுல்காந்தி குற்றம்சாட்டி உள்ளார்.

2371 views

"படப்பிடிப்புகள் நடத்த அனுமதி வழங்க வேண்டும்"- அரசுக்கு கோரிக்கை விடுத்த ஆர்.கே.செல்வமணி

தமிழகத்தில் சினிமா படப்பிடிப்புகள் நடத்த அரசு அனுமதி அளிக்க வேண்டும் என தென்னிந்திய திரைப்பட தொழிலாளர்கள் சம்மேளனத்தின் தலைவர் ஆர்.கே.செல்வமணி தெரிவித்தார்.

339 views

வைகை அணையில் தண்ணீர் திறப்பு- துணை முதல்வர் ஓ.பன்னீர்செல்வம் திறந்து வைத்தார்

தேனி மாவட்டத்தில் கடந்த சில வாரங்களாக பெய்த தென்மேற்கு பருவமழையின் காரணமாக 71 அடி உயரம் கொண்ட வைகை அணையின் நீர்மட்டம் 59 அடியாக உயர்ந்துள்ளது.

274 views

பிற செய்திகள்

ஏரியை ஆக்கிரமித்த வீடுகளை அகற்ற கடிதம் - 300க்கும் மேற்பட்ட ஆக்கிரமிப்பு வீடுகள்

சென்னை தாம்பரம் அடுத்த சிட்லபாக்கத்தில் ஏரி மீது ஆக்கிரமித்து வீடுகளை அகற்ற எதிர்ப்பு தெரிவித்து அதிகாரிகளை முற்றுகையிட்டதால் பரபரப்பு ஏற்பட்டது.

7 views

23 நிறுவனங்களின் நிகர நஷ்டம் ரூ.17,423 கோடி - தமிழ்நாடு மின் பகிர்மான கழத்தின் நஷ்டம் ரூ.7,582 கோடி

2017-18 ஆம் ஆண்டில் தமிழக அரசுக்கு சொந்தமான 55 பொதுத் துறை நிறுவனங்களில், 23 நிறுவனங்களின் நிகர நஷ்டம் 17 ஆயிரத்து 423 கோடி ரூபாய் என சட்டமன்றத்தில் சமர்பிக்கப்பட்ட அறிக்கையில் கூறப்பட்டுள்ளது.

6 views

ரூ.10 லட்சம் கேட்டு மனைவிக்கு துன்புறுத்தல் - மனைவி அளித்த புகாரின் பேரில் கணவனை கைது செய்த போலீசார்

வரதட்சணை கொடுக்க மறுத்த மனைவியின் ஆபாசப் படத்தை பேஸ்புக்கில் பதிவிட்ட கணவனை போலீசார் கைது செய்தனர். இந்த சம்பவத்தின் பின்னணியில் நடந்தது என்ன? என்பதை இப்போது பார்க்கலாம்...

7 views

முன்பதிவு அல்லாத ரயில் பெட்டிகளை ஏசி பெட்டிகளாக மாற்றும் விவகாரம்: "சாமானிய மக்களுக்கு பாதிப்பு" - எஸ்.ஆர்.எம்.யூ எதிர்ப்பு

இந்திய ரயில்வேயை தனியார் மயமாக்கும் மத்திய அரசின் முடிவுக்கு எஸ்.ஆர்.எம்.யூ. கடும் எதிர்ப்பு தெரிவித்துள்ளது.

8 views

"கொரோனா பாதிப்பு 10 சதவீதம் குறைந்துள்ளது" - சுகாதாரத்துறை அமைச்சர் விஜயபாஸ்கர் தகவல்

தமிழகத்தில் அனைத்து மாவட்டங்களிலும் கொரோனா பாதிப்பு 10 சதவீதம் குறைந்துள்ளதாக சுகாதாரத்துறை அமைச்சர் விஜயபாஸ்கர் தெரிவித்துள்ளார்.

202 views

செயின் பறிக்க சிறுவனுக்கு பயிற்சி.... காட்டிக்கொடுத்த கேமரா..

சென்னையில் செயின் பறிக்க சிறுவனுக்கு பயிற்சி கொடுத்து திருட்டில் ஈடுபடுத்திய சிசிடிவி காட்சி வெளியாகி பரபரப்பை ஏற்படுத்தி உள்ளது.

15 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.