முதலமைச்சர் இன்று கிருஷ்ணகிரி பயணம் - கொரோனா தடுப்பு நடவடிக்கை குறித்து ஆலோசனை
பதிவு : ஜூலை 15, 2020, 08:50 AM
கிருஷ்ணகிரி, சேலம், ஈரோடு ஆகிய மாவட்டங்களுக்கு இன்று முதல் முதலமைச்சர் எடப்பாடி பழனிசாமி சுற்றுப்பயணம் செல்கிறார்.
கிருஷ்ணகிரி, சேலம், ஈரோடு ஆகிய மாவட்டங்களுக்கு இன்று முதல் முதலமைச்சர் எடப்பாடி பழனிசாமி சுற்றுப்பயணம் செல்கிறார். இன்று கிருஷ்ணகிரி செல்லும் முதலமைச்சர், நாளை சேலம் மற்றும் வெள்ளிக்கிழமையன்று ஈரோடு ஆகிய மாவட்டங்களில் சுற்றுப்பயணம் மேற்கொள்கிறார். மாவட்ட ஆட்சியர்  மற்றும் சுகாதாரத்துறை அதிகாரிகளுடன் கொரோனா தடுப்பு நடவடிக்கை குறித்து ஆலோசனை நடத்துகிறார். அங்கு பல்வேறு நலத் திட்டப் பணிகளையும் அவர் திறந்து வைக்கிறார். பின்னர் ஞாயிற்றுக்கிழமை அவர் சென்னை திரும்புகிறார்.

ஆன்லைன் பதிவு எப்போது தொடங்கும்? - அமைச்சர் அன்பழகன் இன்று அறிவிப்பு


பொறியியல் படிப்பு  மாணவர் சேர்க்கைக்கான ஆன்-லைன் பதிவு குறித்து உயர்கல்வித்துறை  அமைச்சர் அன்பழகன் இன்று அறிவிக்க உள்ளார். தமிழகத்தில் பொறியியல் படிப்பு  மாணவர்கள் சேர்க்கைக்கான ஆன்-லைன் பதிவு வழக்கமாக மே மற்றும் ஜூன் மாதங்களில் நடைபெறும். கொரோனா பாதிப்பு காரணமாக இந்த ஆண்டு கால தாமதமாக துவங்குகிறது. இதுகுறித்து உயர்கல்வித்துறை  அமைச்சர் அன்பழகன் இன்று மாலை 4 மணிக்கு அறிவிக்க உள்ளதாக தகவல் வெளியாகியுள்ளது. 

இன்று காமராஜர் பிறந்த தினம்: "கல்வி வளர்ச்சி நாளாக கொண்டாட வேண்டும்" - தி.மு.க. வினருக்கு ஸ்டாலின் அழைப்பு


பெருந்தலைவர் காமராஜரின் பிறந்த நாளான இன்று, சென்னை அண்ணா அறிவாலயத்தில், அவரது உருவப் படத்திற்கு  மரியாதை செலுத்த உள்ளதாக தி.மு.க. தலைவர் ஸ்டாலின் தெரிவித்துள்ளார். இதுதொடர்பாக அவர் வெளியிட்டுள்ள அறிக்கையில், இன்றைய தினத்தை , கல்வி வளர்ச்சி நாளாகக் கடைப்பிடித்து, காமராஜரின் பெருமைகளை இன்றைய தலைமுறை அறியப் பேசவும், போற்றவும் தேவையான பணிகளை செய்ய கட்சியினரை கேட்டுக் கொண்டுள்ளார். 

நெல்லை மகேந்திரகிரி இஸ்ரோ மையம் இன்று முதல் 5 நாட்கள் மூடல்


நெல்லை மாவட்டம் காவல்கிணறு மகேந்திரகிரி -இஸ்ரோ விண்வெளி ஆராய்ச்சி நிறுவன வளாகம், இன்றுமுதல் மேலும் ஐந்து நாட்கள் மூடப்படுகிறது. கடந்த 10ம் தேதி முதல் ஐந்து நாட்கள் மூடப்பட்ட நிலையில் மேலும் 5 நாட்கள் நீட்டிக்கப்பட்டுள்ளது. புதியதாக மூன்று பேருக்கு கொரோனா தொற்று அறிகுறி கண்டறியப்பட்டதை தொடர்ந்து இன்று திறக்கப் படுவதாக இருந்த விண்வெளி ஆராய்ச்சி மையம் மீண்டும் ஐந்து நாட்களுக்கு மூடப்படுவதாக நிர்வாகம் அறிவித்துள்ளது.

மதுரையில் இன்று முதல் தளர்வுகளுடன் கூடிய ஊரடங்கு அறிவிப்பு


மதுரையில், தளர்வுகளுடன் கூடிய ஊரடங்கு வரும் 31ஆம் தேதி வரை அமல்படுத்தப்பட்டுள்ளது. மதுரை மாவட்டத்தில் முழு ஊரடங்கு அமல்படுத்தப்பட்ட நிலையில், இன்று முதல் ஜூலை 31ஆம் தேதி வரை தளர்வுகளுடன் கூடிய ஊரடங்கு அமலாகிறது.

நீலகிரி மலை ரயிலுக்கு யுனெஸ்கோ பாரம்பரிய அந்தஸ்து பெற்ற தினமான ஜூலை 15 ஆம் தேதியான இன்று


நீலகிரி மலை ரயிலுக்கு யுனெஸ்கோ பாரம்பரிய அந்தஸ்து பெற்ற தினமான ஜூலை 15 ஆம் தேதியான இன்று கொரோனா பாதிப்பு காரணமாக விழா இல்லாமல் வெறிச்சோடி காணப்படுகிறது. நீலகிரி மலை ரயில் என்று அழைக்கப்படும் என்எம்ஆர், சுற்றுலா பயணிகளை கவர்ந்ததாகும். 1854ம் ஆண்டு மலை ரயில் பாதை அமைக்கும் திட்டம் முதன் முதலாக உருவாக்கப்பட்டது. 1891ம் ஆண்டு ரயில் பாதை அமைக்கும் பணி தொடங்கியது. 1899ம் ஆண்டு மேட்டுப்பாளையம் முதல் குன்னூர் வரையில் ரயில் பாதை அமைக்கப்பட்டது. அதன்பின்னர் 1908ம் ஆண்டு ஊட்டி வரை இந்த ரயில் பாதை நீட்டிக்கப்பட்டது. உலகிலேயே இதுபோல ரயில்சேவை ஓரிரு இடங்களில் தான் உள்ளன. இந்த மலை ரயிலுக்கு, 2005 ஜூலை 15-ல் யுனெஸ்கோ அங்கீகாரம் கிடைத்தது

சிறப்பு எஸ்.ஐ பால்துரை ஜாமீன் மனு மீது விசாரணை 


சாத்தான்குளம் தந்தை, மகன் கொலை வழக்கில், கைதாகியுள்ள சிறப்பு காவல் உதவி ஆய்வாளர் பால்துரை, ஜாமீன் கேட்டு தூத்துக்குடி நீதிமன்றத்தில் மனு தாக்கல் செய்திருந்தார். இந்த மனு தூத்துக்குடி நீதிமன்றத்தில் இன்று விசாரணைக்கு எடுத்துக் கொள்ளப்பட உள்ளது. 
இதற்கிடையே, உடல் நலக்குறைவு காரணமாக தூத்துக்குடி அரசு  மருத்துவமனையில் சிகிச்சை பெற்று வந்த பால்துரை, தற்போது குணமடைந்ததால் சிறைக்கு அனுப்பப்பட்டார். அவருடன் மருத்துவமனையில் சிகிச்சை பெற்று வந்த காவலர் தாமஸ் பிரான்சிஸும் சிறைக்கு அனுப்பப்பட்டனர். எனினும், தூத்துக்குடி பேரூரணி சிறைக்கு அவர்கள் கொண்டு செல்லப்படவில்லை. பாதுகாப்பு காரணங்களுக்காக மதுரை சிறைக்கு இருவரும் கொண்டு செல்லப்பட்டனர். 

தொடர்புடைய செய்திகள்

"தி.மு.க. விலிருந்து பலர் வெளியேறுவதற்கு காரணம் ஸ்டாலினிடம் ஆளுமை இல்லை என நினைக்கலாம்"- அமைச்சர் மாஃபா பாண்டியராஜன்

சென்னை வியாசர்பாடியில் மருத்துவ முகாம் மற்றும் கொரோனா தடுப்பு பணிகளில் ஈடுபட்டு வரும் களப் பணியாளர்களுக்கு அமைச்சர் மாஃபா பாண்டியராஜன் ஆலோசனைகளை வழங்கினார்.

301 views

கனமழை : பாதுகாப்பான இடங்களுக்கு வெளியேற்றப்பட்ட பொதுமக்கள்

நீலகிரி மாவட்டத்தில் தொடர்ந்து பெய்து வரும் கன மழையால் எமரால்டு உள்ளிட்ட பகுதிகளில் நிலச்சரிவு ஏற்பட்டுள்ளது.

283 views

மஞ்சளாறு அணையில் நீர் திறப்பு - குடிநீர் தேவைக்காக 10 கனஅடி நீர் வெளியேற்றம்

பெரியகுளம் மேற்குதொடர்ச்சி மலை அடிவாரத்தில் அமைந்துள்ள மஞ்சளாறு அணையில் இருந்து, குடிநீர் தேவைக்காக நீர் திறக்கப்பட்டுள்ளது.

102 views

பிற செய்திகள்

"அரசு மருத்துவமனைகளில் 85 சதவீதம் பிரசவம்" - சுகாதாரத்துறை செயலாளர் ராதாகிருஷ்ணன் பேட்டி

கொரோனா காலத்தில் அரசு மருத்துவமனைகளில் பிரசவ சதவீதம் 60 இருந்து 85 சதவீதமாக உயர்ந்துள்ளது என சுகாதாரத்துறை செயலாளர் ராதாகிருஷ்ணன் தெரிவித்துள்ளார்.

5 views

உயரும் முல்லை பெரியாறு அணையின் நீர்மட்டம் - தண்ணீரை திறந்து விட உத்தரவிடுமாறு கடிதம்

கேரளாவில் பெய்து வரும் தொடர் மழையால் முல்லை பெரியாறு அணையின் நீர்மட்டம் 136 அடியை எட்டும் நிலையில் உள்ளது.

112 views

கேரளாவுக்கு உதவ தயார் - அமைச்சர் ஆர்.பி.உதயகுமார்

கேரளாவில் மூணாறு பகுதியில் ஏற்பட்ட நிலச்சரிவு மீட்பு பணிகளுக்கு தேவையான உதவியை வழங்க தயார் நிலையில் உள்ளதாக அமைச்சர் ஆர்.பி உதயகுமார் தெரிவித்தார்.

12 views

கொரோனாவால் பாதிக்கப்பட்ட மூதாட்டி - உயிர் பயத்தில் மருத்துவமனையில் இருந்து தப்பியோட்டம்

சென்னையில் கொரோனாவால் பாதிக்கப்பட்ட மூதாட்டி ஒருவர், தாம் இறந்து விடுவோமா என்ற அச்சத்தில், மருத்துவமனையில் இருந்து தப்பி மகளை பார்க்க சென்ற சம்பவம் பெரும் பரபரப்பை ஏற்படுத்தி உள்ளது

10 views

முன்னாள் எம்.எல்.ஏ. எம்.கே.பாலன் கொலை வழக்கு - ஆயுள் தண்டனை கைதி உயர்நீதிமன்றத்தில் மனுத்தாக்கல்

முன்னாள் எம்.எல்.ஏ. எம்.கே.பாலன் கொலை வழக்கில் ஆயுள் தண்டனை கைதியான பூங்காநகர் மாணிக்கம் தன்னை முன்கூட்டி விடுதலை செய்ய அரசுக்கு உத்தரவிட கோரி சென்னை உயர் நீதிமன்றத்தில் ஆட்கொணர்வு மனுவை தாக்கல் செய்துள்ளார்.

6 views

சாத்தான்குளம் வழக்கில் கைது செய்யப்பட்ட காவலர் பால்துரை உடலுறுப்புகள் செயல்படவில்லை என மனைவி புகார் - தந்தி டிவி செய்தி எதிரொலி - சிகிச்சை தீவிரம்

சாத்தான்குளம் கொலை வழக்கில் கைது செய்யப்பட்ட காவலர் பால்துரைக்கு உடலுறுப்புகள் செயல்படவில்லை என்ற புகாரில், தந்தி டி.வி. செய்தி எதிரொலியால் அரசு மருத்துவமனை நிர்வாகம் சிகிச்சையை தீவிரபடுத்தியுள்ளது.

4475 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.