ஆன்லைன் வழி கல்வி திட்டம் இந்தியாவிற்கு உகந்த திட்டமா?

பள்ளிகளிலும், உயர்கல்வி நிறுவனங்களிலும் ஆன்லைன் வழி கல்வி திட்டம், தற்போது நாடு முழுவதும் பேசக்கூடிய முக்கிய திட்டமாக மாறி இருக்கிறது. அதிலும் கொரோனா பாதிப்பு தீவிரமடைந்த நிலையில் மாணவர்களுக்கு கல்வி கற்பதற்கான ஒரே மாற்று திட்டமாக ஆன்லைன் வழிக் கல்வித் திட்டம் இருக்கிறது. ஒரு பக்கம் ஆன்லைன் வழி கல்வித் திட்டம் பற்றிப் பேசப்பட்டாலும், ஆன்லைன் வழிக்கல்வி, வழக்கமான கல்வி திட்டத்திற்கு இணையானது அல்ல என்ற வாதமும் வைக்கப்படுகிறது.

இந்நிலையில் ஆன்லைன் வழிக்கல்வி குறித்து, தந்தி தொலைக்காட்சிக்கு பேட்டியளித்த பல்கலைக்கழக மானியக் குழுவின் முன்னாள் தேசிய துணை தலைவர் தேவராஜ், ஆன்லைன் வழிக்கல்வி முழுமையாக நல்ல முறையில் வர, இன்னும் 10 வருடங்கள் ஆகும் என்றும், வருங்கால இளைஞர்களுக்கு ஆன்லைன் வழிக்கல்வி ஒரு வரம் என்றும் தெரிவித்தார். இந்த ஆண்டு, நேரம் இல்லாமல் பாடங்கள் குறைக்கப்பட்டாலும், தரம் குறையாமல் பாடங்களை வழங்க வேண்டும் என்றும் அவர் கூறினார்.