நெல்லை 3 பேர் கொலை சம்பவம் : "குற்றவாளிகள் விரைவில் பிடிபடுவார்கள்" - மாநகர காவல் ஆணையர் உறுதி

இதனிடையே, கொலை சம்பவம் குறித்து செய்தியாளர்களிடம் பேசிய, மாநகர காவல் ஆணையர் பாஸ்கரன், ஆதாயத்திற்காக இந்த கொலை நடந்துள்ளதாக கூறினார். இது குறித்து துணை ஆணையர் தலைமையில், 3 தனிப்படைகள் அமைக்கப்பட்டுள்ளதாகவும்,  விரைவில் குற்றவாளிகள் கைது செய்யப்படுவார்கள் என்றார். இந்நிலையில், கொலை, நகை மற்றும் பணம் காணாமல் போனது என 2 பிரிவின் கீழ் வழக்கு பதிவு செய்யப்பட்டுள்ளது. இதுதொடர்பாக உமாமகேஸ்வரியின் அண்ணன் மகன் பிரபு மற்றும் உறவினர்கள் உள்ளிட்ட 50 பேரிடம் மேலப்பாளையம் போலீசார் விசாரணை நடத்தி வருகின்றனர். சொத்து பிரச்சினை காரணமாக இந்த கொலை நடந்திருக்கலாம் என்று கூறப்படுகிறது.