பாலாற்றில் 29 தடுப்பணைகளை கட்டியுள்ள ஆந்திரா : மத்திய மாநில அரசுகள் நடவடிக்கை எடுக்குமா ?
பதிவு : ஜூன் 14, 2019, 06:15 PM
பாலாற்றில் ஆந்திர அரசு கட்டியுள்ள 29 தடுப்பணைகளின் உயரத்தை உயர்த்திக் கட்ட, அம்மாநில அரசு ரூ.42 கோடி நிதி ஒதுக்கியுள்ளது தமிழக விவசாயிகள் மத்தியில் அதிர்ச்சியை ஏற்படுத்தியுள்ளது.
வேலூர் மாவட்டம், வாணியம்பாடி அருகே தமிழக -ஆந்திர எல்லை பகுதியில் பாலாற்றில் ஆந்திர அரசு கட்டியுள்ள தடுப்பணைகளால் தமிழகத்திற்கு வரும் நீர்வரத்து முற்றிலுமாக நின்றுள்ளது. கர்நாடகா மாநிலம்,  நந்திதுர்கா என்ற இடத்தில் தொடங்கும் பாலாறு கர்நாடகாவில் 60 கிமீ தொலைவும், ஆந்திராவில் 30  கிமீ தொலைவும்,  தமிழகத்தில் 140 கிமீ தொலைவும் பயணிக்கின்றது. 3 மாநில மக்களும் பயன்பெற்று வந்த , பாலாற்று நீரை கடந்த 1892 ஆம் ஆண்டு போடப்பட்ட சென்னை ராஜதானி - மைசூர் இடையேயான ஒப்பந்தத்தை மீறி கர்நாடகா அரசு சுமார் ஆயிரத்து 500 ஏக்கரில் கோலார் மாவட்டம் பேத்தமங்கலம் என்ற இடத்தில் அணை கட்டி நீரை தடுத்தது. மேலும், ராம்சாகர், பொக்கசமுத்திரம், விஷ்ணுசாகர் என  கர்நாடகாவில் 40 கிமீ தொலைவுக்குள் ஆயிரத்துக்கு மேற்பட்ட ஏரிகளை கட்டி நீரை தேக்கி வைத்துள்ளனர். 

ஆந்திராவில் பாலாறு பயணிக்கும் 30 கிமீ தொலைவுக்குள் 29 தடுப்பணை கட்டப்பட்டுள்ளது. 2000 ஆம் ஆண்டு தொடங்கி கட்டி முடிக்கப்பட்ட அணைகளில், மீண்டும் 2014 ஆம் ஆண்டில் இருந்து  8 தடுப்பணைகளின் உயரத்தை 12 அடியில் இருந்து 30 அடியாக உயர்த்தியது. கர்நாடகா, ஆந்திர மாநில அரசுகள் பாலாற்றில் தடுப்பணைகளை கட்டி நீரைத் தேக்கியதன் விளைவாக தமிழகத்துக்கு பாலாற்று நீர் கிடைக்காத நிலை ஏற்பட்டுள்ளது. அதனால் தமிழக வட மாவட்டங்களில் நூற்றுக்கும் மேற்பட்ட ஏரிகளும், பாலாற்றுப் படுகைகளும் கடும் வறட்சியை சந்தித்துள்ளன. பாலாற்று படுகையில் சுமார் 30 அடியில் கிடைத்த நிலத்தடி நீரும் தற்போது ஆயிரத்து 500 அடிக்குக் கழே சென்றுள்ளது.

பாலாற்று நீரை கர்நாடக மாநிலம் முழுவதுமாக தேக்கியபோதும், ஆந்திர வனப்பகுதிகளில்  பெய்யும் மழை  பாலாறு வழியாக தமிழகத்துக்கு கிடைத்ததையும் ஆந்திரா தடுக்கிறது. அதன் காரணமாக, தமிழக - ஆந்திர எல்லையான வாணியம்பாடிக்கு கூட பாலாற்று தண்ணீர் வராத நிலை ஏற்பட்டுள்ளது. இந்த நிலையில் 21 தடுப்பணைகளின் உயரத்தை உயர்த்தி கட்டுவதற்காக 42 கோடிரூபாய் நிதி ஒதுக்கி ஆந்திர அரசு அறிவித்துள்ளதால் தமிழக விவசாயிகள் அதிர்ச்சி அடைந்துள்ளனர். அதனால் பாலாற்றில் இருந்து தமிழகத்துக்கு ஒரு சொட்டு தண்ணீர் கூட கிடைக்காது என்று  விவசாயிகள் அச்சம் தெரிவிக்கின்றனர்.  

தேர்தலுக்காக நிறுத்தி வைக்கப்பட்டிருந்த தடுப்பணைகள் கட்டும் பணியினை தற்போது தொடங்கியுள்ள நிலையில், தமிழக அரசு உடனடியாக உச்சநீதிமன்றத்தை அணுகி, தடுத்து நிறுத்த வேண்டும் என்று தமிழக விவசாயிகள் கோரிக்கை விடுத்துள்ளனர்.

தொடர்புடைய செய்திகள்

சந்தியாவின் உடல், தலை எங்கே? - 2 வது நாளாக உடல் தலையை தேடும் பணி தீவிரம்

பெருங்குடி குப்பை கிடங்கில் துண்டு துண்டாக வெட்டி கொல்லப்பட்ட துணை நடிகை சந்தியாவின் உடல் மற்றும் தலையை தேடும் பணி 2 வது நாளாக தொடர்கிறது.

5809 views

ஸ்டெர்லைட்டை திறக்க உச்சநீதிமன்றம் அனுமதி - ஸ்டாலின் கேள்விக்கு அமைச்சர் தங்கமணி பதில்

ஸ்டெர்லைட் ஆலையை திறப்பது குறித்த உச்சநீதிமன்ற உத்தரவை எதிர்த்து மறு சீராய்வு மனு தாக்கல் செய்யப்படும் என சட்டப்பேரவையில் மின்துறை அமைச்சர் தங்கமணி தெரிவித்துள்ளார்.

1415 views

வாகனங்களுக்கு தீ வைத்த மர்மநபர்கள்..!

நீலகிரி மாவட்டம் குன்னூரில், வீட்டின் அருகே நிறுத்தி வைக்கப்பட்டு இருந்த 4, இரு சக்கர வாகனங்களுக்கு நேற்று இரவு மர்ம நபர்கள் தீ வைத்து கொளுத்தினர்.

4596 views

பிற செய்திகள்

இலங்கை : ராணுவ வாகனம் மீது ரயில் மோதி பயங்கர விபத்து - 6 ராணுவ வீரர்கள் பலி

இலங்கை கிளிநொச்சியில் தண்டவாளத்தை கடக்க முயன்ற ராணுவ வாகனம் மீது, ரயில் மோதியதில் 6 ராணுவ வீரர்கள் உயிரிழந்தனர்.

1 views

அமைச்சரவை செலவுக்கு சார்பு நிறுவனங்களில் இருந்து நிதி : லஞ்ச ஒழிப்புத்துறை விசாரணைக்கு கிரண்பேடி உத்தரவு

புதுச்சேரி அமைச்சரவை செலவினங்களுக்கான நிதி அரசின் சார்பு நிறுவனங்களில் இருந்து எடுக்கப்பட்டுள்ளது குறித்து லஞ்ச ஒழிப்பு துறை விசாரணைக்கு துணைநிலை ஆளுநர் கிரண்பேடி உத்தரவு பிறப்பித்துள்ளார்.

7 views

புதிய கல்வி கொள்கை நகலை எரிக்க முயன்ற மாணவர்களுக்கும், போலீசாருக்கும் இடையே தள்ளுமுள்ளு

கோவையில் மத்திய அரசின் புதிய கல்வி கொள்கை நகலை எரிக்க முயன்ற மாணவர்களுக்கும் போலீசாருக்கிடையே தள்ளூ முள்ளு ஏற்பட்டது.

14 views

மேற்கு வங்கம் : காங்., சிபிஎம் தொண்டர்கள் பேரணி - போலீசார் தடுத்ததால் வெடித்த மோதல்

மேற்கு வங்க மாநிலம் பாட்பரா என்ற இடத்தில் காங்கிரஸ் மற்றும் மார்க்சிஸ்ட் கம்யூனிஸ்ட் தொண்டர்கள் அமைதி பேரணி என்ற பெயரில் ஊர்வலமாக சென்றனர்.

9 views

சந்திரபாபு நாயுடு குடும்பத்துக்கு வழங்கப்பட்ட பாதுகாப்பு ரத்து

ஆந்திர மாநில முன்னாள் முதலமைச்சரும், தெலுங்கு தேசம் கட்சியின் தலைவருமான சந்திரபாபு நாயுடுவின் குடும்பத்துக்கு வழங்கப்பட்ட பாதுகாப்பு அதிகாரிகளை அந்த மாநில அரசு குறைத்துள்ளது.

41 views

பயிற்சிக்கு திரும்பினார் புவனேஷ்வர் குமார் - ரசிகர்கள் மகிழ்ச்சி

காயம் காரணமாக, ஆப்கானிஸ்தானுக்கு எதிரான போட்டியில், விளையாடாத இந்திய வேகப்பந்து வீச்சாளர் புவனேஷ்வர் குமார், மீண்டும் பயிற்சிக்கு திரும்னார்.

4 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.