புராதன தர்மராஜா கோயில் தீமிதித்திருவிழா - 20 ஆயிரம் பக்தர்கள் தீமிதித்து நேர்த்திக்கடன்

திருத்தணியில் புராதன தர்மராஜா கோயிலில் நடைபெற்ற தீமிதித்திருவிழாவில் 20 ஆயிரத்திற்கும் மேற்பட்ட பக்தர்கள் நேர்த்திக்கடனை செலுத்தினர். தர்மராஜா கோயிலில் தீமிதித்திருவிழா கடந்த 2 ஆம் தேதி கொடியேற்றத்துடன் தொடங்கியது. தீமிதித்திருவிழாவை ஒட்டி பக்தர்கள் காப்பு கட்டிக்கொண்டு விரமிருந்தனர். இதனைத் தொடர்ந்து பெண்கள் கோயில் அருகில் பொங்கல் வைத்து அம்மனை வழிபட்டனர். பின்னர் அக்னிகுண்டத்திற்கு சிறப்பு பூஜைகள் செய்யப்பட்டதும் பக்தர்கள் தீமிதித்து தங்களது  நேர்த்திக்கடனை செலுத்தினர்.