திருப்பூர்: கனமழையால் பொதுமக்கள் மகிழ்ச்சி

திருப்பூர் மாநகரின் பல்வேறு இடங்களில் கனமழை பெய்தது.  காலை முதல் வெயில் சுட்டெரித்து வந்த நிலையில் மாலையில் மேகமூட்டம் நிலவியதோடு காற்றும் வேகமாக வீசத்தொடங்கியது. இதனையடுத்து, கரட்டாங்காடு , நல்லூரில் , செட்டிபாளையம்,  முத்தனம்பாளையம் , ராயபுரம் , ஆண்டிபாளையம் உள்ளிட்ட பகுதிகளில் இடியுடன் கூடிய மழை பெய்தது . சுமார் 1 மணி நேரத்திற்கு மேலாக பெய்த இந்த  மழையால் பல்வேறு பகுதிகளில் மின் தடை ஏற்பட்டது . இருப்பினும் கடந்த சில நாட்களாக வெயில் சுட்டெரித்து வந்த நிலையில் திடீர் மழையால் பொதுமக்கள் மகிழ்ச்சியடைந்தனர் .