ஆண்டாள் கோயிலில் திருக்கல்யாண விழா - பக்தர்கள் தரிசனம்

கும்பகோணம் ஆதிகும்பேஸ்வரர் சுவாமி கோவிலில் நடைபெற்ற தெப்ப திருவிழாவில் ஆயிரக்கணக்கானோர் பங்கேற்று சுவாமி தரிசனம் செய்தனர். லட்சுமி மற்றும் கலைமகள் கவரி வீச, மலைமகளாகிய மங்களாம்பிகை மகாமக குளத்தில் தெப்பத்தில் உலா வந்து பக்தர்களுக்கு அருள்பாலித்தார். நான்கு கரைகளிலும் திரண்டு நின்ற பக்தர்கள் நள்ளிரவில் மின்விளக்கு அலங்காலத்தில் தெப்பத்தில் உலா வந்த அம்மனை தரிசனம் செய்தனர்.

கிருஷ்ணகிரி மாவட்டம் தேவனதொட்டியில் உள்ள ஆயிரம் ஆண்டு பழமை வாய்ந்த ஸ்ரீ சிவ லிங்கேஸ்வரா, ஸ்ரீவீரபத்திர மற்றும் ஸ்ரீ சனீஸ்வர சுவாமி திருக்கோயில் தேர்த் திருவிழா நேற்று நடைபெற்றது. இதில் ஆயிரக்கணக்கான பக்தர்கள் கலந்து கொண்டு பக்தி கோஷங்களை எழுப்பியபடி வடம் பிடித்து தேரை முன்னோக்கி இழுத்தனர். தேரோட்டத்தின் போது பாரம்பரிய வாத்திய கருவிகள் இசைக்கப்பட்டன.  இந்த தேர்த் திருவிழாவில் சுற்றுப்புற கிராமங்களை சேர்ந்த ஆயிரக்கணக்கான பொதுமக்கள் கலந்து கொண்டனர்.