தினத்தந்தி கல்வி நிதி வழங்கும் நிகழ்ச்சி - 20 மாணவர்களுக்கு ரூ.2 லட்சம் நிதியுதவி

வேலூர் மாவட்டம் காட்பாடியில் உள்ள தனியார் பள்ளியில், தினத்தந்தி கல்வி உதவித்தொகை வழங்கும் நிகழ்ச்சி நடைபெற்றது. கடந்த கல்வியாண்டில் 10ஆம் வகுப்பில் அதிக மதிப்பெண் பெற்ற திருவண்ணாமலை, வேலூர் மாவட்டத்தை சேர்ந்த 20 மாணவர்களுக்கு தலா 10 ஆயிரம் வீதம் 2 லட்சம் ரூபாய் நிதியுதவி வழங்கப்பட்டது. அப்போது பேசிய மாவட்ட கல்வி அலுவலர் புலேந்திரன், ஏழை மாணவர்களின் வளர்ச்சி, முன்னேற்றத்திற்கான வாய்ப்புகளை தினத்தந்தி ஏற்படுத்திக் கொடுப்பதாக தெரிவித்தார்.