நடிகர் விஜய் பேனரை ஊர்வலமாக எடுத்து சென்ற ரசிகர்கள்...

வேலூர் மாவட்டம் குடியாத்தத்தில், நடிகர் விஜய்க்கு, வண்ண விளக்குகளால் அலங்கரிக்கப்பட்ட பேனரை, தேர் போல ரசிகர்கள் ஊர்வலமாக எடுத்துச் சென்றனர். இதனால் கல்லார் பகுதியில் கடும், போக்குவரத்து நெரிசல் ஏற்பட்டது. இதையடுத்து, பேனர் ஊர்வலத்திற்கு உரிய அனுமதி பெறவில்லை என கூறி விஜய் ரசிகர் மன்றத்தை சேர்ந்த கலைச்செல்வம் உட்பட 50 பேர் மீது குடியாத்தம் காவல்துறையினர் வழக்குப்பதிவு செய்துள்ளனர்.