கடன் பெற்று தருவதாக கூறி ரூ25 லட்சம் மோசடி செய்த பெண் : பெண்ணின் கணவர் கைது

திருச்சியை அடுத்த திருவெறும்பூரில், பெண் ஒருவர் கடன் பெற்று தருவதாகக் கூறி 25 லட்சம் ரூபாய் மோசடி செய்துள்ளார். உமாராணி என்ற அந்த பெண், சுமார் 10 மகளிர் சுய உதவிக்குழுக்களை அமைத்து, அவற்றில் உறுப்பினராக உள்ள ஒவ்வொருவரிடமும் தலா மூவாயிரம் ரூபாய் வசூல் செய்துள்ளார். ஆனால், கடந்த ஒரு வாரத்திற்கு முன்னர், உமாராணி தனது குடும்பத்தினருடன் தலைமறைவாகிவிட்டதாக கூறப்படுகிறது. இந்தநிலையில், திருச்சி ஜங்க்‌ஷன் அருகே நின்று கொண்டிருந்த உமாராணியின் கணவரைப் பார்த்த சிலர், அவரைப் பிடித்து போலீசில் ஒப்படைத்துள்ளனர்.