விநாயகர் சதுர்த்தி ஊர்வலம் : இயல்பு நிலைக்கு மக்கள் திரும்புகிறார்கள் - நெல்லை ஆட்சியர்

விநாயகர் சதுர்த்தி ஊர்வலத்தில் நடந்த மோதலுக்கு பிறகு, நெல்லை மாவட்டம் செங்கோட்டை பகுதியில் மக்கள் இயல்பு நிலைக்கு திரும்பி வருகிறார்கள் என்று நெல்லை மாவட்ட ஆட்சியர் ஷில்பா பிரபாகர் சதீஷ் தெரிவித்துள்ளார். பொதுமக்கள் ஒத்துழைப்பு வழங்குவதாகவும், பேச்சுவார்த்தையில் இரு தரப்பினரும் அமைதி திரும்ப ஒப்புக் கொண்டதாகவும் அவர் குறிபிட்டுள்ளார். தொடர்ந்து மாவட்ட காவல் கண்காணிப்பாளர் அப்பகுதியில் முகாமிட்டு வருவதாகவும் ஆட்சியர் கூறினார்.