நாடு முழுவதும் விநாயகர் சதுர்த்தி விழா கோலாகலம்...
பதிவு : செப்டம்பர் 13, 2018, 08:13 AM
மாற்றம் : செப்டம்பர் 13, 2018, 03:53 PM
நாடு முழுவதும் விநாயகர் சதுர்த்தி விழா கோலாகலமாக கொண்டாடப்படுகிறது.
நாடு முழுவதும் விநாயகர் சதுர்த்தி விழா கோலாகலமாக கொண்டாடப்படுகிறது. இந்த தினத்தன்று விநாயகரை பல்வேறு வடிவங்களில் வடிவமைத்து வழிபடுவது வழக்கம். 

விநாயகர் சதுர்த்தியையொட்டி தமிழகத்தில் நேற்று மாலை முதலே மக்கள் கடைகளுக்கு சென்று பூஜை பொருட்கள் மற்றும் களிமண்ணால் உருவாக்கப்பட்ட விநாயகர் சிலைகளை வாங்கி சென்றனர்.

விநாயகர் சிலைக்கு அலங்காரம் செய்து கொழுக்கட்டை, அவல், பொரி முதல் விநாயகருக்கு பிடித்த பொருட்களை வைத்து வழிபாடு நடத்துகின்றனர். விநாயகர் கோயில்களில் அதிகாலை முதலே சிறப்பு அலங்காரம் மற்றும் பூஜைகள் நடைபெறுகின்றன.

கற்பகவிநாயகர் ஆலய சதுர்த்தி தேரோட்டம்:



சிவகங்கை மாவட்டம் பிள்ளையார்பட்டியில் உள்ள கற்பக விநாயகர் கோவிலில் விநாயகர் சதுர்த்தியையொட்டி தேரோட்டம் நடைபெற்றது. கடந்த 4-ம் தேதி முதல் கொடியேற்றத்துடன் தொடங்கிய இந்த விழாவில், தினமும் விநாயகரின் பல்வேறு வீதி உலா நடைபெற்று வந்தது. ஒன்பதாம் திருவிழாவான நேற்று தேரோட்டம் நடைபெற்றது. இதில் ஏராளமான பக்தர்கள் கலந்து கொண்ட தேரை வடம் பிடித்து இழுத்தனர்.கோபுரம் உள்ளிட்ட பகுதிகளில்  மின் விளக்கு அலங்காரம் செய்யப்பட்டுள்ளது. விநாயகரை தரிக்க அதிகாலை முதலே ஏராளமானோர் நீண்ட வரிசையில் காத்திருக்கின்றனர்.

முக்கிய இடங்களில் விநாயகர் சிலைகள்:



விநாயகர் சதுர்த்தியை முன்னிட்டு சென்னையின் பல்வேறு பகுதிகளில் விநாயகர் சிலைகள் வைக்கப்பட்டுள்ளது. சௌகர்பேட்டை தங்க சாலை உள்பட 20க்கும் மேற்பட்ட இடங்களில் சுமார் 4 அடி முதல் 10அடிவரையிலான விநாயகர் சிலைகள் வைக்கப்பட்டுள்ளன.


பிரம்மாண்ட விநாயகர் சிலை வைத்து பக்தர்கள் வழிபாடு:

மகாராஷ்டிரா மாநிலம் மும்பையில் விநாயகர் சதுர்த்தியை முன்னிட்டு பிரம்மாண்ட விநாயகர் சிலை வைத்து பக்தர்கள் வழிபட்டனர். பல்வேறு அலங்காரங்கள், வண்ண விளக்குகளுடன் ஜோலித்த விநாயகரை, திரளான பக்தர்கள் தரிசனம் செய்தனர்.

பஞ்சமுக விநாயகர் கோவிலில் சதுர்த்தி விழா...
நாமக்கல் மாவட்டம் பரமத்தி வேலூரில் உள்ள பஞ்சமுக விநாயகர் கோவிலில் விநாயகர் ச‌துர்த்தியை முன்னிட்டு சிறப்பு பூஜைகள் நடைபெற்றன. 14 அடி 
உயரத்துடன் தமிழகத்தின் இரண்டாவது பெரிய சிலை கொண்ட இந்த கோவிலில் விநாயகர் 5 முகங்களுடன் சிங்க வாகனத்தில் காட்சியளிக்கிறார். விநாயகர் சதுர்த்தியை முன்னிட்டு ஆயிரத்து எட்டு சங்காபிஷேங்கள் நடைபெற்ற நிலையில் பக்தர்கள் நீண்ட வரிசையில் தரிசனம் செய்தனர். 



தொடர்புடைய செய்திகள்

பிரம்மாண்ட பாறையில் உருவான 30 அடி உயர விநாயகர்...

தெலங்கானா மாநிலம் நாகர்குர்நூல் மாவட்டத்தில், 30 அடி உயர விநாயகருக்கு சிறப்பு அலங்காரம் பூஜைகள் செய்யப்பட்டன.

116 views

பிற செய்திகள்

"கஜா புயல் பாதிப்பு - போர்க்கால அடிப்படையில் நடவடிக்கை" - முதலமைச்சர் பழனிசாமி

தமிழகத்தில் ருத்ர தாண்டவம் ஆடிய கஜா புயலால் பாதிக்கப்பட்ட பகுதிகளில், போர்க்கால அடிப்படையில் நடவடிக்கை எடுக்க அதிகாரிகள் முடுக்கி விடப்பட்டு உள்ளதாக முதலமைச்சர் எடப்பாடி பழனிச்சாமி தெரிவித்துள்ளார்.

98 views

"மழைநீரை சேமிக்க குடிமராமத்து திட்டம் செயல்படுத்தப்படுகிறது" - முதலமைச்சர் பழனிசாமி

நாமக்கல்லில் நடைபெற்ற அரசு விழாவில், முதலமைச்சர் எடப்பாடி பழனிச்சாமி கலந்து கொண்டார்.

88 views

"மசாஜ் என்பது அறிவியல் சார்ந்த கலை" - சென்னை உயர் நீதிமன்றம்

மசாஜ் என்பது அறிவியல் சார்ந்த கலை என்றும், மசாஜ் சென்டர்கள் பற்றிய தவறான எண்ணங்கள் மாற வேண்டும் எனவும் சென்னை உயர் நீதிமன்றம் தெரிவித்துள்ளது.

75 views

சாலையில் விழுந்து கிடந்த மரத்தை அகற்றிய அமைச்சர்

உடுமலை அருகே சாலையில் விழுந்து கிடந்த மரத்தை தீயணைப்புதுறை வீரர்களுடன் சேர்ந்து அமைச்சர் உடுமலை ராதாகிருஷ்ணன் அகற்றியதோடு போக்குவரத்தை சரிசெய்தார்.

83 views

திடீரென்று தீப்பற்றி எரிந்த இரு சக்கர வாகனம்...

சேலம் அரசு மருத்துவமனை தீவிர சிகிச்சை பிரிவு அருகே, நிறுத்தி வைக்கப்பட்ட இரு சக்கர வாகனத்தை எடுக்கும் போது திடீரென்று தீப்பிடித்து எரிந்ததால் பரபரப்பு ஏற்பட்டது.

86 views

விரைவு ரயில் எஞ்சினில் தீ விபத்து - பயணிகள் பீதி

சென்னை சென்ட்ரலில் இருந்து திருப்பதி நோக்கி சென்ற சப்தகிரி விரைவு ரயில் எஞ்சினில் ஏற்பட்ட தீ விபத்து காரணமாக பயணிகள் பீதி அடைந்தனர்.

513 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.