மேட்டூர் அணையில் இருந்து 80 ஆயிரம் கன அடிநீர் திறப்பு...

மேட்டூர் அணையில் இருந்து விநாடிக்கு 80 ஆயிரம் கன அடிநீர் திறக்கப்பட்டுள்ளதால் கரையோர மக்களுக்கு பாதுகாப்பு எச்சரிக்கை விடுக்கப்பட்டுள்ளது. மேட்டூர் அணையின் நீர்மட்டம் 4 ஆண்டுகளுக்கு பின்னர் முழு கொள்ளளவான 120 அடியை, எட்டி உள்ளது.  இந்நிலையில் அணையின் பாதுகாப்பு கருதி, உபரிநீர் முழுவதும் காவிரி ஆற்றில் திறந்து விடப்படுகிறது.இரவு 10 மணி நிலவரப்படி 80 ஆயிரம் கனஅடி நீர் வெளியேற்றப்பட்டு வருகிறது. 

மேட்டூர் அணையில் இருந்து 80 ஆயிரம் கனஅடி நீர் திறக்கப்பட்டுள்ளதை தொடர்ந்து  மேட்டூரை சுற்றியுள்ள, 21 வருவாய் கிராம மக்களை பாதுகாப்பாக இருக்கும்படி மாவட்ட நிர்வாகம் அறிவுறுத்தியுள்ளது. மேலும் மாவட்ட ஆட்சியரின் அறிவுறுத்தலின்படி, ஒவ்வொரு கரையோர கிராமத்திற்கும் நேரில் சென்ற காவல்துறையினர் பாதுகாப்பாக இருக்கும்படி பொதுமக்களை அறிவறுத்தி வருகின்றனர்.