ஜப்பானை வீழ்த்தி அசத்தல் - சாம்பியன் பட்டம் வென்றது தென் கொரியா

ஆசிய சாம்பியன்ஸ் டிராபி ஹாக்கி தொடரில் ஜப்பானை வீழ்த்தி முதல் முறையாக தென் கொரியா சாம்பியன் பட்டம் வென்று உள்ளது. டாக்கா நகரில் நடைபெற்ற இறுதிப் போட்டியில் ஜப்பானுடன் தென் கொரியா மோதியது. முழு நேர ஆட்டத்தில் இரு அணிகளும் தலா 3 கோல்கள் அடித்து சமநிலை வகித்தன. இதனால், வெற்றியாளரைத் தீர்மானிக்க ஷூட்-அவுட் முறை பின்பற்றப்பட்டது. இதில் 4க்கு 2 என்ற கோல் கணக்கில் தென் கொரியா வெற்றி பெற்று, சாம்பியன் பட்டத்தை தட்டிச் சென்றது.