ஐ.எஸ்.எல் கால்பந்து தொடர் - கொல்கத்தா 5வது வெற்றி

ஐ.எஸ்.எல் கால்பந்து தொடரில் புள்ளி பட்டியலில் கொல்கத்தா அணி முதலிடத்திற்கு முன்னேறியுள்ளது. கொல்கத்தா சால்ட் லேக் அரங்கத்தில் நடைபெற்ற லீக் ஆட்டத்தில் பெங்களூரு - கொல்கத்தா அணிகள் பலப்பரிட்சை நடத்தின. விறுவிறுப்பான முதல் பாதியில் இரண்டு அணிகள் கடுமையாக முயற்சித்தும் கோல் எதுவும் அடிக்கப்படவில்லை. இரண்டாம் பாதியில் 47வது நிமிடத்தில் கொல்கத்தா வீரர் ரானே தட்டிக் கொடுத்த பந்தை வில்லியம்ஸ் கோலாக்கினார் . இறுதிவரை போராடிய பெங்களூரு அணியால் பதில் கோல் திருப்ப முடியவில்லை. முடிவில் கொல்கத்தா 1க்கு பூஜ்ஜியம் என்ற கோல் கணக்கில் வெற்றி பெற்றது.