ஐ.சி.சி உலக கோப்பை கிரிக்கெட் போட்டி : நியூசிலாந்து vs இலங்கை - விக்கெட் இழப்பின்றி வென்றது நியூசிலாந்து

டாஸ் வென்று முதலில் பந்து வீச தீர்மானித்த நியூசிலாந்து அணி, அடுத்தடுத்து விக்கெட்டுகளை சாய்த்த‌து. இலங்கை அணியின் கேப்டன் கருணரத்னே மட்டும் இறுதி வரை ஆட்டமிழக்காமல் அரைசதம் கடந்தார். ஆனால் மற்ற 7 வீர‌ர்கள் ஒற்றை இலக்கத்தில் ஆட்டமிழந்த‌தால், அந்த அணி 136 ரன்களுக்கு அனைத்து விக்கெட்டுகளையும் இழந்த‌து. நியூசிலாந்து அணியின் ஹென்றி மற்றும் லாக்கி ஃபர்கூசன் ஆகியோர் தலா 3 விக்கெட்டுகளை வீழ்த்தினர். இதையடுத்து களமிறங்கிய நியூசிலாந்து அணி, விக்கெட் இழப்பின்றி 16 ஓவர்களில் இலக்கை எட்டியது. கப்தில் மற்றும் மன்ரோ அரைசதம் கடந்தனர். நியூசிலாந்து பந்துவீச்சாளர் மாட் ஹென்றி ஆட்டநாயகனாக தேர்ந்தெடுக்கப்பட்டார்.