இந்தியாவுக்கு எதிரான கிரிக்கெட் தொடர் : ஆஸி. அணியில் ஸ்டார்க் இல்லை...

இந்தியாவுக்கு எதிரான இருபது ஓவர் மற்றும் ஒருநாள் போட்டி கொண்ட தொடரில் களமிறங்கும் ஆஸதிரேலிய அணியில் வேகப்பந்துவீச்சாளர் மிட்செல் ஸ்டார்க் காயம் காரணமாக இடம்பெறவில்லை. 2 இருபது ஓவர் போட்டி மற்றும் 5 ஒருநாள் கிரிக்கெட் போட்டியில் பங்கேற்க ஆஸ்திரேலிய அணி இந்தியா வர உள்ளது. ஆரோன் பிஞ்ச் தலைமையிலான அணியில், உஸ்மான் கவாஜா, மெக்ஸ்வல், டார்சி ஷார்ட் , கம்மின்ஸ், நாதன் லயான் உள்ளிட்ட வீரர்கள் தேர்வாகியுள்ளனர். காயம் காரணமாக மிட்செல் ஸ்டார்க், மிட்செல் மார்ஷ் ஆகியோர் இடம்பெறவில்லை. இவ்விரு அணிகளுக்கும் இடையிலான முதல் டி20 போட்டி வரும் 24ஆம் தேதி தொடங்குகிறது