அரசியலில் குதிக்கப் போகிறாரா தோனி..?
பதிவு : செப்டம்பர் 11, 2018, 08:17 PM
பெட்ரோல், டீசல் விலை உயர்வை கண்டித்து எதிர்க்கட்சிகள் அழைப்பு விடுத்திருந்த போராட்டத்தில் இந்திய கிரிக்கெட் வீரர் தோனி பங்கேற்றார் என்று சமூக வலைத்தளத்தில் பதிவு ஒன்று உலா வந்தது பரபரப்பை ஏற்படுத்தியுள்ளது.
இந்திய கிரிக்கெட் வீரர் தோனிக்கு எப்போதுமே தனி ரசிகர்கள் பட்டாளம் உண்டு. இதனாலேயே தோனியை அரசியலில் இழுத்து போட பல்வேறு கட்சிகள் பல்வேறு காலமாக முயற்சித்து வருகின்றனர். இதற்கு தொடக்க புள்ளியே, கடந்த 2008ஆம் ஆண்டு சென்னையில் தோனி அளித்த பேட்டி தான். விலைவாசி உயர்ந்ததன் காரணமாக பால் குடிப்பதையே நிறுத்திவிட்டேன் என்று நகைச்சுவையாகவும், வெளிப்படையாகவும் தோனி அரசை விமர்சித்தார்.

இதன் பின்னர் 2009 ஆம் ஆண்டு தோனியின் சகோதரரான நரேந்திர தோனி பா.ஜ.க. வில் இணைந்தார். இதனால் தோனியும் அரசியலில் குதிப்பார் என்று எதிர்பார்க்கப்பட்டது. இந்த நிலையில் தான் உலகக் கோப்பை வெற்றி, அந்நிய மண்ணில் தோல்வி, ராணுவ வீரர்களுடன் பயிற்சி என தோனியின் பயணம் சென்று கொண்டிருந்தது.

ஆனால் கடந்த ஆகஸ்ட் மாதம் தோனியை அவரது இல்லத்தில் பா.ஜ.க. தலைவர் அமித் ஷா சந்தித்தார். இது பெரும் பரபரப்பை ஏற்படுத்திய நிலையில், மத்திய அரசின் சாதனைகளை விளக்கும் நிகழ்வு தான் அது  என்று பா.ஜ.க. தரப்பிலிருந்து கூறப்பட்டது. இதனால் தோனி பா.ஜ.க.வில் இணைவாரா என்று எதிர்பார்க்கப்பட்ட நிலையில், பெட்ரோல் விலை உயர்வை கண்டித்து எதிர்க்கட்சிகளின் போராட்டத்தில தோனி பங்கேற்றார் என்று சமூக வலைத்தளத்தில் பதிவு ஒன்று உலா வந்தது.

அதில் பெட்ரோல் பங்கில் தோனி அமர்ந்திருப்பது போல் இருந்ததால், தோனி அரசியலில் குதித்துவிட்டார் என்றும் அவரது ரசிகர்கள் பலர் பதிவுகளை சமூக வலைத்தளத்தில் வெளியிட்டு வந்தனர். இந்த நிலையில் தான், தோனி தனது குடும்பத்துடன் சுற்றுலா சென்ற போது எடுக்கப்பட்ட புகைப்படம் அது என்று தெரியவந்தது. 

போராட்டத்திற்கு வலு சேர்க்கவே எதிர்க்கட்சிகள் இது போன்ற பதிவை உலவவிட்டதாக பா.ஜ.க. ஆதரவாளர்களும் குற்றஞ்சாட்டுகின்றனர். தோனி அரசியலுக்கு வந்தாரா என விவாதங்கள் எழுந்துள்ள நிலையில், அரசியல் தான் தோனியை நோக்கி வந்து கொண்டிருக்கிறது.  

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1668 views

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

5963 views

களவாணி மாப்பிள்ளை படத்தின் டிரெய்லர் வெளியீடு

நடிகர் தினேஷ், அதிதி மேனன் நடிப்பில் உருவாகி இருக்கும் களவாணி மாப்பிள்ளை படத்தின் டிரெய்லர் வெளியாகி உள்ளது.

6720 views

பிற செய்திகள்

டி.என்.பி.எல். கிரிக்கெட் - சேப்பாக் சூப்பர் கில்லீஸ் அணி வெற்றி

டி.என்.பி.எல். கிரிக்கெட் போட்டியில் திருச்சி வாரியர்ஸை 41 ரன்கள் வித்தியாசத்தில் வீழ்த்தி சேப்பாக் சூப்பர் கில்லீஸ் அணி வெற்றிபெற்றது.

35 views

டி.என்.பி.எல். கிரிக்கெட் போட்டி - திண்டுக்கல் டிராகன்ஸ் அணி வெற்றி

டி.என்.பி.எல். கிரிக்கெட் போட்டியில் மதுரை பாந்தர்ஸை 30 ரன்கள் வித்தியாசத்தில் வீழ்த்தி திண்டுக்கல் டிராகன்ஸ் அணி வெற்றி பெற்றது.

52 views

கல்லூரிகளுக்கு இடையிலான கூடைப்பந்தாட்ட போட்டி : வைஷ்ணவா, லயோலா கல்லூரி அணிகள் வெற்றி

தூத்துக்குடியில் தமிழ்நாடு மெர்க்கண்டைல் வங்கி சுழற் கோப்பைக்கான, கல்லூரிகளுக்கு இடையே நடைபெற்ற கூடைப்பந்தாட்ட போட்டியில் பெண்கள் பிரிவில் சென்னை வைஷ்ணவா கல்லூரி அணியும், ஆண்கள் பிரிவில் லயோலா கல்லூரி அணியும் வெற்றிபெற்றன.

14 views

டி.என்.பி.எல். : லைக்கா கோவை கிங்ஸ் வெற்றி

டி.என்.பி.எல். தொடரில் லைகா கோவை கிங்ஸ் அணி 8 விக்கெட் வித்தியாசத்தில் காஞ்சி வீரன்ஸ் அணியை வீழ்த்தியது.

23 views

புரோ கபடி லீக் தொடர் : தமிழ் தலைவாஸ் அணி வெற்றி

புரோ கபடி லீக் தொடரில் தெலுகு டைட்டன்ஸ் அணியை வீழ்த்தி தமிழ் தலைவாஸ் அணி வெற்றிபெற்றது.

54 views

இந்திய ராணுவத்தில் பயிற்சி பெற தோனிக்கு ராணுவ தளபதி அனுமதி

இந்திய ராணுவத்தில் இணைந்து பயிற்சி பெற தோனிக்கு அனுமதி வழங்கப்பட்டு உள்ளதாக தகவல் வெளியாகியுள்ளது.

762 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.