"களை கட்டியது, ஊரக உள்ளாட்சி தேர்தல் : இன்று வெளியாகிறது, இறுதி வேட்பாளர் பட்டியல்"

இந்த தேர்தலில் போட்டியிடும் இறுதி வேட்பாளர் களின் பட்டியல், வியாழக்கிழமை பிற்பகல் 3 மணிக்கு மேல், அதிகாரப்பூர்வமாக வெளியிடப்படும். அதைத்தொடர்ந்து, வேட்பாளர்களுக்கு சின்னங்களும் ஒதுக்கீடு செய்யப்படும். 9 மாவட்டங்கள் நீங்கலாக 27 மாவட்டங்களில் முதல்

கட்ட ஊரக உள்ளாட்சி தேர்தல் வருகிற 27 ம் தேதியும், 2 -வது கட்ட தேர்தல் 30 ம் தேதியும் நடைபெறும். தேர்தலில் பதிவான வாக்குகள் ஜனவரி 2 ம் தேதி எண்ணப்பட்டு முடிவுகள் வெளியிடப்படும். ஊராட்சி மன்ற தலைவர், ஊராட்சி மன்ற உறுப்பினர் பதவிக்கு கட்சி அடிப்படையில் இல்லாமலும், ஊராட்சி ஒன்றிய வார்டு உறுப்பினர், மாவட்ட ஊராட்சி வார்டு உறுப்பினர் பதவிக்கு கட்சி அடிப்படையிலும் தேர்தல் நடைபெறும்.

மொத்தமுள்ள 4 பதவி இடங்களுக்கு சுமார் 2 லட்சத்திற்கும் மேற்பட்டோர் களத்தில் நிற்பார்கள் என எதிர்பார்க்கப்படுகிறது. இறுதி வேட்பாளர் பட்டியல் வெளியானதும், தேர்தல் பிரசாரம் சூடு பிடிக்கும். அரசியல் கட்சி தலைவர்களின் பிரசார அட்டவணை, இன்னும் வெளியிடப்படவில்லை. எனவே, தலைவர்களும் களத்தில் குதிக்கும் போது, தேர்தல் பிரசாரம் நிச்சயம் அனல்பறக்கும்.